US LA VAL
 
 
     
 

3ª partida de campionat rit. - Dietenheim

Stampa PDF

_MG_9684scuadraLa Val á la miú sön le ciamp strënt dl Dieteheim, cun en gol che toma bel amez le prüm temp y vegn defenü cina la fin.





En domisdé cialdin chël dl’ultima dumënia a Dietenheim, daulache la formaziun da La Val é rovada por sughé la terza partida de campionat. Porté a ciasa i trëi punc é stá de gran importanza, ince por arpizé la tlassfica e ruvé cun i punc plö dlungia ala scuadra da Dietenheim, posizionada atualmënter al secundo post.

Por la cronaca de Copa Provinzia: La Val röia al secundo post tl triangolar di cuarti de finala y ne passa insciö nia le rode. La Val Badia davagna a Mölten y se aiudichëia le pröm post cun un en gol in plö de desfarënzia respet La Val.

Passun ala partida de campionat, tl scomenciamënt é i ghesc ladins che determinëia le jüch, tla pröma chert d’ora ti garetel bel döes gran ocajiuns. Alex E. vëgn sorví al limit y cun en gran control prôl la trata bassa, cun na gran parada deloj le verdaporta le palé da na pert fora. Püch dô se presënteia Max indo al limit y vega na trata de prezijiun, le numer un é indô reatif y tëgn sö le curan. Tosc é i aversars che se fej udëi, cun le jüch che vëgn deté prinzipalmënter amez le ciamp, la plö gran ocajiun ti gareta sön na trata dal ciantun, ulache l’atacant dl Dieteheim lascé sú se presentëia dan porta y pro de ce, por furtüna ne abinel nia la porta y la indirizëia sura fora. Te n bun mumënt por le Dietenheim ti gareta indere le gol dl vantaje ala formaziun ladina, le jogn Christian Dapoz se tôl le mirit, amez ciamp pëiel ia sú cun le palé al pé y ti sciampa naota ala defenjiun rovan insciö dal ciantun de area, al ne pënsa nia sura dui iadi y prô na crossada amez che se trasformëia te n palonët sura le portier. Le curan te rëia porta insciö le vantaje. Do le gol ciafa i cumpagns de scuadra nöia forza por i ultims menüc dl pröm tëmp, la scuadra é buna de imposté indo damì le jüch por ruvé te area aversara, sënza ester indere cotan prigorusc.


Le pröm temp se rüva sön le resultat de 1 a 0 por La Val.


I sogadus se rënd cunt de messëi mët atira le resultat al sigü tl secundo tëmp, bele atira vëgn le mür defensif dl Dietenheim metü sot a presciun cun pai alc ai atacanc. Sön na rebatüda pro Alex E. na trata sëcia cuntra porta che röia de püch dlungia ia. Cun l’inserimënt de n atacant in plö y n modul plö offensif se alza la formaziun de ciasa a chirí le gol dla parité, i defensurs amez fej n gran laur y ne fej nia ruvé i atacanc a contlujiun o l’ultim passsaje nia a destinaziun, chisc devënta nervusc y protestëia cuntra le mandl fosch.  Cun dütes les forzes y cina l’ultim menüt tëgn La Val bót ai aversars sënza ne i lascé avalié le resultat. Cun chësta devënta miritada se porta La Val al secundo post de tlassifica a parité de punc cun le Dietenheim.


Dietenheim – La Val: 0-1


Formaziun La Val: 1. Julian Moling, 2. Luca Pescollderung (dal 70^ Egon Frenes), 3. Marco Castlunger, 4. Paolo Vallazza, 5. Werner Sottara, 6. Stefan Sottara - capitan, 7. Christian Dapoz (dal 70^ Martin Ploner), 8. Max Nagler (dal 75^ Freddy Sottara), 9. Franz Tolpeit (dal 60^ Marco Sottara), 10. Alex Elzenbaumer, 11. Michele Campei (dal 45^ Alexander Miribung)

Goi por La Val: Christian Dapoz al 35^

Proscima partida: La Val süga süa proscima partida in dumënia ai 10 de aurì dales 16:00 te ciasa cuntra le Perca

 

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©