US LA VAL
 
 
     
 

6ª partida de campionat rit. - San Iöre Junior

Stampa PDF

_MG_9684scuadra

La Val comana le jüch por gran pert dla partida y ti pëta trëi iadi l’ajëi  ai aversars dl San Iöre.





Do la pordüda antia dl fin dl’edema da denant cuntra le Sest mëss la formaziun da La Val recuperé i punc pordüs por resté tacada toch dô le Dietenheim al momënt al secundo post.

Bele la sabeda é i aversars dl San Iöre Junior ruvá a La Val por la sesta de campionat. Por gran pert dla partida subësc i ghesc la presciun da pert di patruns de ciasa, ma döes trates de puniziun mët in dificolté le portier Sepl. Le resultat ess podü salté fora plö alt sce an ciara les gröm de ocajiuns injomades ia.

I pröms vint menüc ne é nia i miûs por i ladins, le jüch é daldöt assënt a gauja dla pücia conzentraziun di passaji y dl’impostaziun dl jüch. Chiló á le San Iöre ince la pröma puniziun che röia de püch sura stangia dla porta fora. Ala mesora é spo Franz che desliëia le grop, tl ciantun alt de area indirizëia chësc na crossada/palonët cuntra porta, le curan  é alt, röia sura le portier y arsësc te rëi por le 1 a 0. Do le gol él spo La Val che se fej lerch cun deplö aziuns prigoroses: Marco S. ti sciampa da na pert jö y mët amez n bel preparatif por le cumpagn Alex che pro la trata al jore mo ne abina nia dërt le palé. Püch dô é le medemo Alex che se fej lerch al limit y vega na trata a giré sön le pé lunch, le curan indirizé fora de porta vëgn ciamó devié al ultimo moment cun le pé da Stefan mo röia ince sura porta fora. Le atacant Alex ó chirí a düc i cosc le radopl dl resultat, al vëgn sorví dal mezciamp cun na passaja filtranta y se presentëia sú dan le portier, cun en palonët prôl de fa arsí le palé te porta, mo nianca in chësc iade vëgn le spidl atoché. Gran ocajiun é ince ciamó stada la puniziun de Alex al 40^, la trata sëcia ti sciampa fora dles mans al’un dl San Iöre, rebat cuntra la stangia de porta y mëss le deloje te n secundo momënt sura porta fora. Dan la fin dla pröma pert é ciamó Stefan che antizipëia le passaje dl defensur y prô na trata de ciamp sön le pé bâs de porta, le portier mëss se destrá por la desfanté.


Le pröm tëmp se röia sön le resultat de 1 a 0 por La Val.

Ince sce i sogadus é determiná a mët al sigü le resultat, se arbasëia al mëteman dl secundo tëmp le druch mostré tla pröma pert. Le San Iöre é bun de imposté val aziun y röia denant a concuisté vigni palé, la defenjiun é sëgn sot a presciun y se dessëna insciö cun i cumpagns ofensifs che se lascia massa do fora. I atacanc respogn ai lamënc dla defenjiun cun dui goi indolater. Le jogn Michele che comana la fascia ciampa, se fej lerch da na pert jö do ester gnü sorví da Franz cun na bela passaja y mët amez n preparatif por le sú sogadú a mezciamp Christan D. che á ma plö bria de destrá les giames por apogé le palé te sach aversar. Trëi menüc dedô, al 72^ é Stefan che arlungëia sön le atacant Alex, chësc ti sciampa indo ala defenjiun y crossëia amez por le sú  Franz dan porta, al se tôl dlaurela, archita le palé y te n secundo momënt trasformëiel l’ocajiun tl gol dl 3 a 0. Por le atacant na bela sodesfaziun por la doplëta segnada. Ti proscims menüc é Max bun de se porté te na buna posiziun al limit dl’area, sön le preparatif de Alex ne sighita chësc nia y prô la trata al jôre, che ti fej indere le pulan al pé de porta.

Le resultat é plö che mirité y ai sogadus i complimënc por la prestaziun mostrada cis tl secundo tëmp. Cun la bela devënta resta La Val al terzo post adüm al Sest, toch dô le Dietenheim y se preparëia la proscima domënia a ospité te ciasa la Val Badia por le derby ladin. 

La Val – San Iöre Junior: 3-0

Formaziun La Val: 1. Josef Kantioler, 2. Luca Pescollderung (dal 60^ Martin Ploner), 3. Marco Castlunger, 4. Paolo Vallazza, 5. Egon Frenes, 6. Christian Dapoz (dal 70^ Freddy Sottara), 7. Marco Sottara (dal 65^ Adrian Miribung), 8. Stefan Sottara - capitan (dal 75^ Max Nagler), 9. Franz Tolpeit (dal 75^ Alexander Miribung), 10. Michele Campei, 11. Alex Elzenbaumer

Goi por La Val: Franz Tolpeit al 30^ y 72^, Christian Dapoz al 68^

Proscima partida: In dumënia ai 01 de má dales 16:00 te ciasa cuntra la VB por le derby ladin.

 

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©