US LA VAL
 
 
     
 

Derby ladin rit. - La Val - Val Badia

Stampa PDF

IMG_8974555En bel publich de spetadus é ruvé adalerch a La Val l’ultim fin dl’edema por le secundo derby anter la formaziun de ciasa y la VB. La devënta é tlera por i ghesc, che mët bun trëi iadi le palé te porta.






Ince sce le tëmp tratan le domisdé dl’ultima dumënia ne é nia sté le miú, el ruvé adalerch n bel numer de sostenidus sënza la tëma da se bagné sot la plöia. Dessigü é le plajëi gnü recompensé cun en derby plajor, cis tla pröma pert dla partida, ulach les ocajiuns è stades cotantes y daulache la sterscia formaziun dla VB se porta bel in vantaje cun 2 goi. Le ultim gol al mëteman dl secundo tëmp ti taia spo les giames ai patruns de ciasa che mëss i la zede ala devënta tlera y miritada.

La prüma mesora dla partida vëgn scialdi combatüda a mez le ciamp, i sogadus de trames perts é posizioná bun y ne lascia nia ruvé saurí i atacanc a contlujiun. Al 10^ gareta la pröma ocajiun por La Val, ala trata de puniziun ti sciampa le palé fora ti brac al’un dla VB, Max N. se prejentëia dan porta mo ne abina nia a dërt tëmp le curan rebatü. Dal’atra pert se fej i atacanc aversars tres plö prigorusc, ala cherd’ora röia n palé rebatü dala defenjiun sön le pé de Matthias S. che controlëia y fej pié ia na trata bassa cuntra porta, Sepl é bun al’ultim mumënt a deloj le curan te ciantun. Atira dô pëia ia na crossada te area da La Val, Sepl prô de antizipé l’atacant mo vëgn contrasté, le palé rebatü vëgn splundré te porta dal sterch atacant Matthias mo le arbiter ne conzed nia le gol a gauja dl fal da denant sön le portier. Al 36^ menüt é Alex Felder che desliëia le grop, le palé indirizé cuntra porta sön puniziun é asvelt sön le ciamp lizé, le verdaporta Sepl ne ti é nia da se tigní toch le curan y vëgn insciö rebatü por Felder sú dan porta, che á ma plö bria de apogé te rëi por le 1 a 0. I patruns de ciasa prô de reagí cun inserimënc dles pêrts, chiló é dezisif l’ultim passaje che ne ó nia ruvé a destinaziun. Püch dan la fin dl pröm tëmp anuzëia la VB na ripartënza por sorví amez na crossada che vëgn rebatüda dala defenjiun de ciasa, le capitan Armin E. desmarché al limit dl’area vega sënza sighité na trata sëcia, le un da La Val prô a se destrá mo ne röia nia a desfanté le curan. N gran gol che porta le radopl dl resultat dan che l’arbiter sciüra la fin y por fa jí i sogadus tla palsa.



Le pröm tëmp se röia sön le resultat de 2 a 0 por la VB.


La convinziun di sogadus de ciasa de pudëi mostré n miú jüch y ince de rosedé le resultat, vëgn bel do püc menüc metüda a düra proa dal’ ex sogadú dl La Val Emanuel D. Sön trata de ciantun al 50^ röia le asvelt numer 9 a spizuré le curan de ce sön le pé lunch de porta. I sogadus da La Val castigá por le terzo iade, porta spordüs le curan sön le punt dl mezciamp por proseguí cun le jüch. Nöies forzes röia te ciamp a de sostëgn ala scuadra che pro ciamó de salvé le poscibl. Gran ocajiuns da gol ne vara indere nia da derzé fora, ti ultims menüc dla partida se stënta les formaziuns de imposté aziuns y i ritmi alc calëia. La scuadra da La Val che chir ciamó le gol dla bandira mëss tosc la dé sö cun le sciür dl’arbiter che fej rové i nonanta menüc de jüch. Cun chësta devënta tlera dla Val Badia resta la scuadra a ciaval cun en vantaje de ünesc punc, deperpo che La Val toma zeruch al cuarto post y mess ciaré de concuistá i ultims dodesc punc poscibli tles ultimes cater partides.


La Val – Val Badia: 0-3


Formaziun La Val: 1. Sepl Kantioler, 2. Luca Pescollderung (dal 60^ Martin Ploner), 3. Werner Sottara, 4. Paolo Vallazza (dal 70^ Egon Frenes), 5. Marco Castlunger, 6. Freddy Sottara (dal 55^ Christian Dapoz), 7. Alex Elzenbaumer, 8. Max Nagler, 9. Franz Tolpeit (dal 45^ Alexander Miribung), 10. Stefan Sottara – capitan (dal 70^ Felix Nagler), 11. Michele Campei

Alenadù: Claudio Floriani

 

Proscima partida: In dumënia ai 08 de má dales 16:00 a Gsies cuntra la scuadra de ciasa

 

Ince sce le tëmp tratan le domisdé dl’ultima dumënia ne é nia sté le miú, el ruvé adalerch n bel numer de sostenidus sënza la tëma da se bagné sot la plöia. Dessigü é le plajëi gnü recompensé cun en derby plajor, cis tla pröma pert dla partida, ulach les ocajiuns è stades cotantes y daulache la sterscia formaziun dla VB se porta bel in vantaje cun 2 goi. Le ultim gol al mëteman dl secundo tëmp ti taia spo les giames ai patruns de ciasa che mëss i la zede ala devënta tlera y miritada.

La prüma mesora dla partida vëgn scialdi combatüda a mez le ciamp, i sogadus de trames perts é posizioná bun y ne lascia nia ruvé saurí i atacanc a contlujiun. Al 10^ gareta la pröma ocajiun por La Val, ala trata de puniziun ti sciampa le palé fora ti brac al’un dla VB, Max N. se prejentëia dan porta mo ne abina nia a dërt tëmp le curan rebatü. Dal’atra pert se fej i atacanc aversars tres plö prigorusc, ala cherd’ora röia n palé rebatü dala defenjiun sön le pé de Matthias S. che controlëia y fej pié ia na trata bassa cuntra porta, Sepl é bun al’ultim mumënt a deloj le curan te ciantun. Atira dô pëia ia na crossada te area da La Val, Sepl prô de antizipé l’atacant mo vëgn contrasté, le palé rebatü vëgn splundré te porta dal sterch atacant Matthias mo le arbiter ne conzed nia le gol a gauja dl fal da denant sön le portier. Al 36^ menüt é Alex Felder che desliëia le grop, le palé indirizé cuntra porta sön puniziun é asvelt sön le ciamp lizé, le verdaporta Sepl ne ti é nia da se tigní toch le curan y vëgn insciö rebatü por Felder sú dan porta, che á ma plö bria de apogé te rëi por le 1 a 0. I patruns de ciasa prô de reagí cun inserimënc dles pêrts, chiló é dezisif l’ultim passaje che ne ó nia ruvé a destinaziun. Püch dan la fin dl pröm tëmp anuzëia la VB na ripartënza por sorví amez na crossada che vëgn rebatüda dala defenjiun de ciasa, le capitan Armin E. desmarché al limit dl’area vega sënza sighité na trata sëcia, le un da La Val prô a se destrá mo ne röia nia a desfanté le curan. N gran gol che porta le radopl dl resultat dan che l’arbiter sciüra la fin y por fa jí i sogadus tla palsa.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©