US LA VAL
 
 
     
 

Risultati/Spielergebnisse Wengen by night

Stampa PDF


IMG_96225

Le torneo de nöt a La Val, ruvé a süa 18ejima ediziun é in chësc ann gnü davagné dala scuadra jona da San Martin “Design”, che à albü la miú tla finala sön i campiuns dl’ediziun dl’ann denant “Ponnyhof ” da Montan.

 




Tla nöt danter i 09 y i 10 de messè él gnü organisé dal’Uniun Sport Amatoriala La Val la 18. ediziun dl torneo dla nöt. Le temp é sté da pert y les temperatöres cialdines da sté saurí. Le numer dles scuadres che á tut pert al’event sportif é sté indo 16, cun val scuadra amesa ite ruvada ince da Maran y da Montan. Avisa chisc ultims é ruvà a La Val por defenn le trofé concuisté l’ann denant.

La manifestaziun à metü man la sabeda dales 18:00 cun les partides de cualificaziun y s’à stlüt jö cun la finala sogada dales 02:00 da duman. Tratan che al gnê soghé söla plaza dal palé, podô i spetadus se divertì a ritm de müjiga tl tendun metü sö dan le bar sport. Chilò ti va n gran giulan ai volontars dl’Uniun dl Sport y aiutanc, che á fistidié por düta la nöt da apraté de bun patüc da mangé y da dè fora da bëre por düć.

Les scuadres é gnüdes partides sö te cater rodi da cater, olache vignüna á messü soghé cuntra les atres trëi. Ma les prümes döes scuadres de vigni rode podô soghé inant söi prüms posc, les atres döes sogâ inant sön le "pozer", na sort de rode de consolaziun. Tles 24 partides de cualificaziun anse odü deplü partides cun resultac tlêrs y cun tröc goi tomà. Les partides a eliminaziun che é spo gnüdes sogades dô les önesc inant é stades plü combatüdes, cun resultac strënc y cun ma un o dui goi de desfarënzia.

Gran parüda te chësta ediziun á fat la scuadra jona “Design”, metüda adüm da sogadus de deplö paisc cun la gran pert da San Martin de Tor, che s’à arpizé partida do partida cina tla gran finala, daulache ai á incunté i campiuns dl’ediziun passada da Montan “Ponnyhof”. Le resultat dla finala toma fora avisa sciöche l’ann denant, 3  a 1, in chësc iade indere a vantaje dla scuadra ladina. Tl rode de consolaziun é la scuadra d’Al Plan “Plata de Plonia” cun concuistëia le titul cun en resultat tlêr. Sön podest a pié dô la medaia de brom röia ciamó la scuadra da La Val “FC Pressknödel”, che á sughé cuntra la scuadra da Maran. Incër les trëi da duman, do ch’al é gnü stlüt jö les les partides de finala, él spo gnü tignì la premiaziun. Le presidënt dl’U.S. La Val Alex Alton ti à surandè a les prümes scuadres les copes y sambëgn inće i premi en scioldi.

Ringrazié oressen particolarmënter i sponsors, che à de n gran sostëgn finanziar a chësta manifestaziun.

Por fortüna ne éle nia stè da anotè gran infortunns a sogadus, n bel giulan ti va por chësc  ince ai volontars dla Crusc Blancia da La Ila, ch’à indo fat sciöche vigni ann le sorvisc de prüm aiüt. Ciamò n iade n gran giulan ti va a düc chi che à de só contribut por  fa garatè ince in chësc ann le torneo de nöt a La Val.

 

 

Murin logo_M2_Srl logos Logo_verginerlogo_raiffeisen




Resultac/risultati/Spielergebnisse : results

foto: (facebook - U.S. La Val)

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©