US LA VAL
 
 
     
 

Summer Camp 2016 - A.C. Chievo Verona

Stampa PDF
ChievoCamp_2016_-_n001

Amez le mëis de messé él gnü organisé por l’secundo iade l’ „A.C. Chievo Verona summer camp“ a La Val. I mituns che á partezipé á podü imparé diretamënter da alenadus profescionisc che laora tl setur jonil dl jüch dl palé.

 


 

 


Dai  11 ai 16 de messé él gnü organisé dal’Uniun Sport Amatoraiala da La Val la secunda ediziun dl “A.C. Chievo Summer Camp” por sogadus jogn de döta la valada y ince dala provinzia de Verona. Chësc ann á tut pert 53 mituns.

I mituns á albü la ocajiun da podëi imparé da alenadus profescionisc che laora esclusivamënter tl setur jonil y pro la „scuola calcio“ dl Chievo Verona. I alenadus é stá cun gran plajëi di organisadus y di mituns i medemi da l’ann passé. Chisc alenadus á gran capazites y conoscënzes sura l’monn dl palê mo sá ince co motivé y dëidé i mituns emotivamënter.

Le pröm dé, le lünesc, él vigne sogadú che á podü pié dô na tascia cun de vigni sort de guant por i alenamënc. Dô les prejentaziuns di alenadus é i sogadus gnüs partis sö te grups por scomencé cun i alenamënc. Bele atira án odü che i mituns â n gran interesc a imparé valch de nü. Tartan chisc dis intensifs i él gnü insigné les tecniches fondamentales dl jüch dl palé, sciöche an fej da archité, porté y passé indortöra le palé. Al é ince gnü pité n alenamënt a pert por i portiers, daulache al é gnü mioré les tecniches fondamentales por tigní sö le palé.

Vigni dé do marëna el gnü pité n program de animaziun olache düc i mituns á podü rí y fá matades adüm. Ince chësc á zigü dëidé garaté sta bela edema.

Le camp é gnü stlüt jö la sabeda. Al é gnü fat pici tornei y ala fin la foto de grup. Spo el gnü fat na picia premiaziun, olache vigni partezipant á podü pié dô n atestat de partezipaziun al camp cun les firmes di alenadus. Le vizepresidënt dl’ Uniun dl Sport da La Val, Rubascher Klaus, á ringrazié düc chi che á daidé fá garaté chësc camp, dandadüt Davide, Martin y Christian. N gran giulan ti é ince jü al Hotel Posta a Pidrô por avëi dé albergh ai alenadûs y al Hotel Alciac por avëi fistidié por la marëna. N ringraziamënt particular ti é ince jü ai cinch sponsors che á dé n contribut finanziar ala manifestaziun, cun chësc aiüt él ince sté meso da tigní valgamia basses les cuotes de iscriziun.

A düc i partezipanc ti va l’aodanza che ai pois porté inant i früc de chëst’edema te sües scuadres. Por le dagní sperunse de podëi organisé inant de té manifestaziuns che é de gran importanza por nüsc mituns che á interesc da crësc y mioré tl jüch dl palé


 



Logo_m2 logo_raiffeisen
Logo_ITAS Logo_Ass_La_Val bassot


Chiló le link por les foto dl camp: foto camp

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©