US LA VAL
 
 
     
 

Prüm rode de Copa Provinzia: La Val - San Iöre Junior

Stampa PDF

copa2012La scuadra de 3a categoria da La Val à metü man bun süa nöia sajun dl palé 2016/17. Tl pröm rode de Copa Provinzia se mosöra i ladins cun la scuadra dl San Iöre Junior, davagnan por 5 a 1.

 

 

 


Te chëstes ultima edemes s'à la scuadra da La Val, alenada dal nü alenadù Hilber, mosoré bele te 5 partides cun scuadres de categoria dessura. Ince sce tla partida de Copa le bel jüch né é nia ste le miú, à la scuadra anuzé bun les ocajiuns por fa gol. Bele ala chert d'ora é nü sogadù d'Al Plan Samuel Winkler, che fej gran druch sön la defenjiun y ti tol le palé fora tles giames por tra sëch te porta, le resultat é insciö sbloché! Al ne passa tröp che le San Iöre davagna na puniziun al limit, le palé rebatü dal pé de porta röia sön le pé al atacant che á ma plö bria de apogé te porta. La reaziun al gol dla parité é asvelta, Michele vëgn sorví da na pert jö, le medemo se chir le trú cuntra porta y ciafa le pé lunch cun la bela trata, n bel gol che porta le vantaje. Ti proscimi menüc é le curan ma plö da udëi tl mezciamp dl San Iöre y insciö toma tosc le terzo gol. Al é indo Michele che sön la medema aziun sciöche denant chira indo le pé lunch, nia da nen fa por le verdaporta, 3 a 1 y l'arbiter sciüra la fin dl prüm tëmp.

Le secundo tëmp mët man cun la doplëta de Samuel al 46^, sön na rebatüda dl portier Sepl röia l'atacant sú cuntra porta y fej pié ia na trata bassa che röia te rëi. Bel plan é ince i aversars che se alza cuntra la defenjiun, plö iadi ti sciampi al mür da La Val, ruvan ince a ester prigorusc dan porta. Nia ma un n iade é stada la fortüna da pert di ladins, le resultat ne é indere nia mudé, al 75^ vëgn na crossada de Marco S. rebatüda y röia amesa area daulach le prüm a ruvé lassura é Freddy, al vega la trata al jore che röia indere de tröp sura porta fora. Michele ne é nia cuntënt cun süa doplëta y insciö prol ciamò de ti sciampé ala defenjiun dl San Iöre, chësc ti gareta ince y cun na trata sot la stangia sighlëiel süa prüma triplëta cun la maliëta dl La Val. Ciamó ti ultims menüc pro le San Iöre de acorcé le resultat mo ai mëss la zede cun le sciür dl'arbiter. Na bela proa por i ladins che mët insciö man bun y pó se preparé ala partida de retüda dl proscim fin dl' edma.


La Val - San Iöre Junior: 5-1



 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©