US LA VAL
 
 
     
 

Prüm rode de Copa Provinzia: San Iöre Junior - La Val

Stampa PDF

copa2012Do la buna prestaziun de andata de Copa Provinzia cuntra le San Iöre Junior, davagnada por 5 a 1, à la scuadra da La Val messé se lascé speté sot le ultim vëindres, pordon la partida de retüda por 4 a 2. I ladins passa impó le pröm rode de Copa.

 

 

 

 

Cun trö massa convinziun de avëi bele le passaje dl rode te gaiofa é piá ia i ladins cuntra Mühlwald, daulache la partida é gnüda spustada a gauja dl’impraticabilité dl ciamp a San Iöre.

A jì in vantaje é la scuadra da La Val, bele do le pröm menüt de jüch vvgn na puniziun da lungia distanza rebatüda dal verdaporta dl San Iöre, le pröm a ruvé sön le palé é indere le capitan Stefan che á ma plö bria de apogé la cogura dlungia ite por le 1 a 0. Do le vantaje ara ma plö duré püch che le San iöre mët man de fa presciun y avaliëia tosc le resultat: al 10^ vëgn n palé arlungé na da pert jö sura le terzin ladin che ne abina nia plö le palé, le asvelt atacant aversar tôl la mesüra sön le pé lunch de porta y vega la trata che ti gareta ince. Ma püc menüc dedô se porta i aversars in vantaje, indô vëgn le curan arlungé sön l’atach, le defensur amez ne abina nia dërt le palé, le atacant pó jí sú cuntra porta y ne á nia dificolté a bat le portier Julian. Le resultat rosede te püc menüc fej gní i ladins nervusc y sciöche al ne bastass nia ti gareta ince ciamó le terzo gol al San Iöre: sön na crossada é Julian che pro a gni for a a rebat demez le palé, sön na incomprenjiun cun le defensur vëgn indere le curan rebatü te porta ladina. La Val pro ciamó al 35^ de segné cun na bela trata de Franz al limit che röia avisa tl’incrujiada de porta. Dan la fin dl pröm tëmp castighëia ciamó n iade le San Iöre, te n cajin amez area vëgn le curan trat bass cuntra porta, le defensur zentral ne sciafia nia de salvé sön la linea de porta, cun chësc gol se röia ince le pröm tëmp y i ladins va tla palsa sön le resultat pesoch de 4 a 1.


La Val ne pó nia plö se lascé dofora, rischian de ti scinché le passaje ai aversars. Tla secunda pert tôl la scuadra la partida tles mans, la defenjiun conzed plö püch y cun le palé tigní bass vara ince da costruí indo val bela aziun. Michele se smarchëia tres bun sön na pert y mët amez deplö crossades che ne vëgn indere nia anuzades. Cina le 40^ ne gareta da trames les pert degun gol, al mancia scialdi la dezijiun di sogadus sot porta. Dan la fin é Michele che pënsa a mët al sigü le passaje dl pröm rode, al ti sciampa ala defenjiun y dan le limit fejel pié ia na gran trata sot la stangia de porta. Cun chësc gol pó i ladins indo tra le flé. Na leziun port döta la scuadra che s’à descedé purmó tl secundo tëmp rischian de ti scinché le passaje de Copa Provinzia.


San Iöre – La Val : 4-2

La Val süga süa pröma partida de campionat in sabeda dales 17:00 a Niederdof cuntra la scuadra de ciasa.



 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©