US LA VAL
 
 
     
 

1ª partida de campionat - Niederdorf

Stampa PDF

_MG_9684scuadra

La Val mëss se tra ite les manies por remunté le dopl vantaje dl Niederdorf, che á anuzé bun les püces ocajiuns da gol.

 

 

 


Le mët man dl campionat de terza categoria por La Val sot ala direziun dl nü alenadú Gerhard Hilber porta n megher punt sú, sce an ciara les ocajiuns da gol costruides y nia concretisades é le punt sú rî da dlotí.

Bele ti pröms menüc se fej le druch ladin sintí, i portadus dl palé vëgn atira pressà. Al 10^  vegn Max sorví amez, chësc preparëia por Freddy che tira le curan sura porta fora. Atira do vëgn le palé arlungé alt sön Franz, che se fej lerch cuntra porta mo aspeta massa dí dan trà y ne indirizëia nia bun le palé che vëgn insciö tigní sö. I aversars se fej prigorusc sön aziun al 30^, l'atacant ti sciampa ala defenjiun y fej pié ia na trata sëcia, Sepl se destira a devié te ciantun. Dan le sciür dla palsa n'ocajiun d'or por i ladins: le nü sogadú d'Al Plan Samuel Winkler ciafa le palé sön le pé do ester sté rebatü dal verdaporta, a porta öta prôl cun na trata bassa, che vëgn tl'ultim tignida sö dal defensur.

Cun n palé arlungé al atacant castighëia i aversars al 60^, chësc controlëia de piet y taia fora la defenjiun por rové dan Sepl, la trata alta fej ruvé le curan te porta por le vantaje. Püc menüc plö tert, al 70^ ineschëia indo le Niederdorf le sterch capitan che mët n preparatif amez por le compagn che à ma plö bria de apogé te porta. Rî da crëie por i ladins, che mëss sëgn porvé de salvé le resultat. Ai se fej coraje y al 80^ se fej Samuel lerch amez area y cun n bel stach de ce rebat chësc le palé dlungia le pé de porta it. Ti ultims regnëia le nervus te ciamp, La Val atachëia ciamó y le pêr gareta ciamó ti ultims menüc. Te n cajin amez area röia le atacant Adrian ala trata y spizurëia le palé te porta. Le resultat é avalié mo le tëmp de jüch röia a piz.

I sogadus lascia le ciamp nia daldöt cuntënc dl resultat arjunt do avëi costruì tröp mo concretisé püch. Le punt fej impó bun ala morala de scuadra che s'arjigna ala proscima partida.


Niederdorf – La Val  2-2


Formaziun La Val: 1. Josef Kantioler, 2. Martin Ploner (dal 85^ Felix Nagler), 3. Marco Castlunger, 4. Werner Sottara, 5. Christian Dapoz, 6. Michele Campei, 7. Nagler Max (dal 75^ Adrian Miribung), 8. Freddy Sottara, 9. Franz Tolpeit, 10. Stefan Sottara - capitan, 11. Samuel Winkler

Goi por La Val: Samuel Winkler al 80^, Adrian Miribung al 88^

Proscima partida: In dumënia ai 11 de setëmber dales 15:30 te ciasa cuntra le  Dietenheim.


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©