US LA VAL
 
 
     
 

3ª partida de campionat - Gais

Stampa PDF

scuadra_20161

La Val së stënta a rové te partida y se descëda purmó tla secunda pert, le resultat vëgn rosedé y trëi punc d’or portá a ciasa.

 

 

 


Sciöche bel dit é la scuadra da Gais che tëgn le sceter dl jüch tla man tl prüm tëmp. I sogadus da La Val se stënta cotan da sughé le palé sön le ciamp lerch da Gais y la prezijiun di passaji é daldöt asënta, ala scuadra ti mancel l'agresivité che ai à desmostrè tles ultimes partides. Bele al 10^ perd le defensur ladin le palé al limit dl’area, le portier mëss isnciö contrasté le atacant por evité le vantaje. Le protagonist dl dé Sepl fej gran parüda sön chësta trata dai önescmetri, le palé rebatü vëgn ciamó n iade trat cuntra porta, la reativité dl’un da La Val é fenomenala, insciö vëgn ci chesc palé archité sö. Püch dô se fej lerch l’atacant puster cuntra porta y vega na trata bassa, le curan ti sciampa por püch a Sepl mo vëgn ciamó archité sö dal medemo sön la linea de porta. Al 35^ toma spo le gol sön önescmetri por le Gais: sön na trata de puniziun vëgn l’ultim atacant tigní dal defensur, l’arbiter sciüra indô la puniziun mascima senza dubité, che vëgn trata bun por l 1 a 0.


Le pröm temp se stlüj jö sön le resultat de 1 a 0 por le Gais

Tl secundo tëmp é spo la partida che tol n'atra strada, al é i sogadus da La Val che ne se lascia nia plö druché zeruch y conzed püch. Al 75^ vëgn Michele sorví dal mezciamp y röia sú dan porta, le defensur alrungëia la giama sön l’atacant gaujan le fal dl’ önescmetri por La Val. A trasformé la mascima puniziun é le capitan Stefan che pënsa. Do la parité ciafa i sogadus plö coraje y crëi tla devënta, ai fej inant presciun y al 85^ ti garetel le vantaje: le palé passé zeruch al portier vëgn ataché da Alexander, le un dl Gais prô de tra demez le curan che ti röia ados al’atacant ladin che pó esulté ciaran pro ala cogura che röia te rëi. Le gran laur defensiv da pert de düta la scuadra che combat cina ala fin por defënn le resultat y che ne fej nia ji te porta i aversars ti garantësc insciö la devënta a La Val.


Gais – La Val  1-2


Formaziun La Val: 1. Josef Kantioler, 2. Martin Ploner (dal 50^ Luca Pescollderung), 3. Werner Sottara, 4. Marco Castlunger, 5. Christian Dapoz, 6. Nagler Max (dal 45^ Franz Tolpeit), 7. Sottara Marco (dal 65^ Egon Frenes), 8. Michele Campei, 9. Alexander Miribung, 10. Stefan Sottara - capitan, 11. Samuel Winkler

Goi por La Val: Stefan Sottara al 75^, Alexander Miribung al 85^


Proscima partida: In dumënia ai 25 de setëmber dales 15:30 a La Val cuntra le Mühlwald


Atri resultac:

Altherren: La Val – Rodenech/Vals: 2-4

Juniores (Val Badia): Val Badia – Gherdëina: 2-4

Allievi (La Val): Stegen – La Val: 5-0

Giovanissimi (La Val): Valdaora  – La Val: 13-0

U10 (San Martin / La Val): S. Martin/La Val – Alta Badia II: 5-1


 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©