US LA VAL
 
 
     
 

4ª partida de campionat - Mühlwald

Stampa PDF

scuadra_20161

Le resultat anter La Val y Mühlwald vegn purmó determiné tl secundo tëmp, lapró ince n önescmetri trat dlungia ia dai aversars.

 

 

 


La partida cuntra le Mühlwad é tres dër sintida por La Val che à ospité l'aversar l’ultim fin dl’edma te ciasa. Le publich á indo udü na partida dër combatüda, cun trames scuadres determinades a davagné por fa le balz de tlassifica. En pröm tëmp sughé scialdi ala pêr cun püces ocajiuns dan porta. Al 20^ vëgn na trata dal ciantun rebatüda dala defenjiun, a ruvé pro le palé é Werner che fej pié ia na bela trata al jore, le verdaporta é sigü y deloj le curan dlungia ia. L'atach aversar süga tröp sön le fí de forajüch purvan da ti sciampe ala defenjiun ladina, le bun edl dl mandl fosch archita indere n grüm de posiziuns nia regolares.


Le pröm tëmp se stlüj jö sön le resultat de 0 a 0


Le resultat vëgn determiné tl secundo tëmp. Al 50^ anuzëia le Mühlwald na incomprensciun dl mür ladin y ti tôl le palé fora di pîsc purvan atira la trata sön le pé lunch daulache le compagn á ma plö bria de apogé te porta la cogura rebatüda dal portier Sepl. La Val tôl coraje y se alza a porvé de avalié le resultat, al passa 10 menüc che Alexander davagna n palé da na pert, la crossada röia amez a Luca P. che é al dërt momënt dan porta, al ne sighita nia y vega na trata sëcia al jore te porta. Le pêr é arjunt y le nervosism se fej tosc sintí te ciamp do val dezijiun nia dërta dl'arbiter. Do n bun mumënt por La Val vëgn n palé arlungé te area ladina, l'atacant vëgn contrasté dai dui defensurs amez y toma a tera. L'arbiter mostra sön le punt di önescmetri sënza dubité. Le medemo sogadú psuter contrasté se prejënta ala trata mo la prescia da trá ne ti fej nia atoché le spidl de porta. Fortüna por i ladins che chir ciamo tl'ultima cher d'ora le vantaje sënza trà fora val de concret. Insciö se röia le tëmp de jüch y La Val se mët te gaiofa n punt sú cun n pü de fortüna.


La Val – Mühlwald  1-1


Formaziun La Val: 1. Josef Kantioler, 2. Luca Pescollderung (dal 80^ Felix Nagler), 3. Werner Sottara, 4. Marco Castlugner, 5. Christian Dapoz, 6. Franz Tolpeit, 7. Marco Sottara (dal 70^ Felix Nagler), 8. Michele Campei (dal 75^ Egon Frenes), 9. Alexander Miribung, 10. Stefan Sottara - capitan, 11. Adrian Miribung (dal 60^ Max Nagler)

Goi por La Val: Luca Pescollderung al 60^


Proscima partida: sabeda ai 01 de otober dales 15:30 a Percha cuntra la scuadra de ciasa.


Atri resultac:


Altherren: Dietenheim – La Val: 1-1

Juniores (Val Badia): Kronteam – Val Badia: 0-2

Allievi (La Val): Rasen – La Val: 5-0

Giovanissimi (La Val): Schabs – La Val: 8-0

U11 (La Val/San Martin): La Val/San Martin – Rasen: 0-0

U10 (San Martin / La Val): Alta Badia I – San Martin/La Val: 3-3


 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©