US LA VAL
 
 
     
 

5ª partida de campionat - Percha

Stampa PDF

scuadra_20161

Partida dominada y davagnada dala scuadra ladina cun na schira de ocajiuns arjumades.

 

 

 


Tla partida cuntra le Percha pëia ia La Val cun en gran druch y ne ti lascia nia trà le flé aversars, cun dui goi che toma bel tl pröm tëmp y atri cater tl secundo por stlü jö la partida. N gröm de ocajiuns nia concretisades che ess fat ji fora le resultat plö pesoch.Bele al 4^ vëgn le resultat sbloché, al é Max che davagna le palé da na pert y le preparëia amez area al cumpagn Samuel che po ma plö trá te porta. La scuadra aversara vëgn dassënn pressada y se fej sciampé le medemo Max al 17^ da na pert ite, chësc iade fej le sogadú de só ce y vega na trata sön le pröm pé de porta che vel le secundo gol. Le Percha inciurní prô de se refá sön na dijatenziun defensiva y röia a tra cun l’atacant sú dan porta, le palé indere röia alt sura fora. Mo bel indô é i ladins al comane y conzed püch y nia ai aversars. Le numer un dl Percha ne pordüj nia a palsé y mëss se destrá plö iadi por desfanté les trates dal limit.

Le pröm tëmp se stlüj jö sön le resultat de 2 a 0 por La Val

Tl secundo tëmp röia La Val te ciamp cun na gran vöia de se asiguré i trëi punc. Al 50^ arlungëia le portier Sepl sön l’atacant Samuel che passa inant de cé a Michele C. sú cuntra porta, la trata de prezijiun sön le pröm pé gareta por le 3 a 0. Püc menüc dedô pëia ia le sogadú amez ciamp dl Percha y  crossëia amez por le compagn che rebat le curan te porta. Le moment de deblëza di ladins vëgn bel avalié al 60^ cun na passaja filtranta dl mezciamp sön Franz che á insciö le trú öt dan porta por vaghé le palonët che röia te rëi. Le jüch va inant y al 64^ é indo Michele che ti sciampa ala defenjiun y pro le palonët de jenedl sura le portier ite. Le gol ti taia les giames ai aversars che prô de inserí n atacant in plö mo lascia deperpo na gran lerch tla defenjiun. Chësc öt vëgn ciamó anuzé da Max al 74^, al porta le palé da na pert jö y driblëia saurí i defensurs, Michele röia cun sbunf adalerch  y á ma plö bria de conretisé le bel laur de Max cun na bela trata de porta. Al sighlëia insciö süa secunda triplëta te chësta sajun. Dan la fin röia Egon F. te ciamp y vëgn atira sorví al limit, al tol l’iniziativa de trá sech tl’incrujiada de porta, al pro ciamó de abiné le palé rebatü mo vëgn contrasté. L’önescmetri é evidënt y conzedü vegn indere nia trasformé dal medemo sogadù. Le bel numer de goi ti asigurëia i trëi punc a La Val ince sce le resultat ess podü tomé for a plö pesoch sce an ciara les ocajiuns nia concretisades.

Percha – La Val  1-6

Formaziun La Val: 1. Josef Kantioler (dal 70^ Julian Moling), 2. Luca Pescollderung (dal 80^ Felix Nagler), 3. Werner Sottara, 4. Marco Castlunger, 5. Christian Dapoz, 6. Freddy Sottara, 7. Max Nagler (dal 70^ Egon Frenes), 8. Michele Campei, 9. Samuel Winkler (dal 80^ Martin Ploner), 10. Stefan Sottara - capitan, 11. Franz Tolpeit (dal 75^ Adrian Miribung)

Goi por La Val: Samuel Winkler al 4^, Max Nagler al 17^, Michel Campei al 51^,64^,73^, Franz Tolpeit al 60^

 

Proscima partida: In dumënia ai 09 de otober dales 15:30 a La Val cuntra le Prettau

 

Atri resultac:

Allievi (La Val): La Val – Hochpustertal: 1-1

Giovanissimi (La Val): La Val  – Reischach: 1-1

U11 (La Val / San Martin): Obopuschtra Kobras - La Val / San Martin: 2-0

U10 (San Martin / La Val): S. Martin/La Val – San Laurënz cöce: 4-1


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©