US LA VAL
 
 
     
 

6ª partida de campionat - Prettau

Stampa PDF

scuadra_20161

La Val anuzëia bun les dijatenziuns dla defenjiun por jì in vantaje y mené inciö l'aversar derevers a ciasa sënza punc.

 

 

 

A La Val s'à presenté le Prettau cun na dërta schira de sogadús nüs te süa formaziun. Al mët man dla partida se mostra i aversars plö stersc co le Prettau che i ladins à conesciü ti ultims ann. Tosc é indere la formaziun de Hilber che atachëia y fej presciun sön le mür defensif che fej tl pröm momënt bun só laur mo mëss spo ti la zede al 30^. Sön trata de puniziun vëgn le palé rebatü dala defenjiun mo Christian Dapoz é asvelt a abiné y trá por pröm le curan te porta y se tol insciö la sodesfaziun de só pröm gol te chësta sajun. Püch do é la trata dal limit dl Prettau prigorosa, Sepl é reatif y abina le curan indirizé tl set de porta. 

Le pröm tëmp se stlüj jö sön le resultat de 1 a 0 por La Val

Le arbiter sciüra le scomenciamënt dla secunda pert, al comané dl jüch é indo i ladins, che fej piê ia Alexander da na pert jö y preparëia amez. Le un dl Prettau se chërda le curan che ti vëgn ince lascé passé dal defensur, Stefan lî bun la situaziun antizipanle verdaporta por spizuré la cogura te porta por le 2-0, chësc suzed al 47^. Al 65^ vëgn le sogadú amez dl Prettau lascé sú al limit y sön na rebatüda defensiva fejl pié ia n palonët che abina de plëgn la stangia de porta, fortüna por La Val che tëgn bót inant al bun momënt aversar. Michele se presentëia püch do ala trata de puniziun y vega na trata sterscia che mëss gní deviada dal portier te ciantun. Atres gran ocajiuns ne é nia plö da udëi cina la fin di nonanta menüc y i ladins pó insciö se conforté a se mët ia i trëi punc do avëi anuzé a dërt momënt les ocajiuns por jí in vantaje. Cun chësta devënta se porta La Val a cé dla tlassifica adüm al Gais. 

La Val – Prettau  2-0

Formaziun La Val: 1. Josef Kantioler, 2. Luca Pescollderung, 3. Sottara Werner, 4. Christian Dapoz, 5. Marco Castlunger, 6. Franz Tolpeit (dal 75^ Adrian Miribung), 7. Max Nagler, 8. Michele Campei, 9. Samuel Winkler (dal 80^ Paolo Vallazza), 10. Stefan Sottara - capitan, 11. Alexander Miribung

Goi por La Val: Christian Dapoz al 30^, Stefan Sottara al 47^

 

Proscima partida: In sabeda ai 15 de otober dales 15:30 a Uttenheim cuntra la scuadra de ciasa.

 

Atri resultac:

Altherren: La Val – Schabs:

Juniores (Val Badia): Plose – Val Badia: 4-1

Allievi (La Val): Pichl Gsies– La Val: 4-1

Giovanissimi (La Val): Steinhaus – La Val: 10-0

U11 (La Val/San Martin): La Val/San Martin – Pro Team: 0-1

U10 (San Martin / La Val): Reischach – San Martin/La Val: 2-2


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©