US LA VAL
 
 
     
 

8ª partida de campionat - San Iöre Junior

Stampa PDF

scuadra_20161

La Val mët al sigü la devënta cuntra le San Iöre purmó sön le tert tl secundo tëmp.






I ladins se stënta cotan cuntra l'ultima forza dla tlassifica, la determinaziun de urëi i trëi punc ne é nia stada al altëza dles ultimes partides. Bele tla partida de retüda de Copa Provinzia é la formaziun de Hilber gnüda sotmetüda dal San Iöre y ince in chësta ultima dumënia á i pustri tigní bót cina püch dan le sciür dla fin. Por düt le tëmp de jüch ne pon nia alzé fora n gran numer de ocajiuns, sides da üna pert co dal'atra. Ala cherd'ora vëgn le atacant Samuel sorví cun n palé alt mo la trata de jenëdl ti röia tles mans al portier. Al 20^ antizipëia Stefan le defensur al limit y prô na trata de forfesc sön le pé de porta lunch, le un da San Iöre reagësc cun na gran parada. Deplö trates de puniziun, ince al limit, da pert di ladins ne vëgn nia anuzades sciöche al alda. I padruns de ciasa va tosc te cabina por la palsa, impaziënc a sbloché le resultat.

Le pröm tëmp se stlüj jö sön le resultat de 0-0

I ladins scomëncia n secundo tëmp plö determiné cun n jüch plö ofensif. Le bun momënt cun le palé che roda ma plö tl mezciamp aversar, fej speré tl vantaje. An mëss indere aspeté le 70^ por spié les ocajiuns por deslié le grop. Stefan se presentëia ala trata de puniziun y atoca le pé estern de porta. Püc menüc dedô, plö avisa al 75^ é Adrian che se fej lerch te area aversara y vëgn contrasté dal verdaporta, le mandl fosch sciüra y mostra por chësc le punt di önescmetri. Al é le defensur Marco Castlunger che tol cun dezijiun le palé y se presentëia dan le un dl San Iöre. La trata sigüda y de prezijiun dlungia la stangia ite fej balé la rëi por le vantaje. Ti ultims menüc regnëia sön le ciamp n gran nervosism y la direziun arbitrala vëgn insciö metüda a düra proa. Por fortüna alden tosc le sciür dla fin che ti assigurëia la devënta a La Val. Cun na prestaziun nia otimala resta a La Val inant a ciaval adüm al Gais y se preparëia a stlü jö bun le campionat da d'altonn chësc fin dl'edma.


La Val – San Iöre Junior  1-0


Formaziun La Val: 1. Josef Kantioler, 2. Paolo Vallazza , 3. Werner Sottara, 4. Marco Castlunger, 5. Christian Dapoz, 6. Freddy Sottara, 7. Franz Tolpeit (dal 80^ Egon Frenes), 8. Michele Campei (dal 75^ Felix Nagler), 9. Samuel Winkler, 10. Stefan Sottara - capitan, 11. Alexander Miribung (dal 70^ Adrian Miribung)

Goi por La Val: Marco Castlunger al 75^

Proscima partida: In dumënia ai 29 de otober dales 16:00 ite a Gsies cuntra la scuadra de ciasa


Atri resultac:


Juniores (Val Badia): Vahrn – Val Badia: 9-0

Allievi (La Val): Burnech– La Val: 7-1

Giovanissimi (La Val): Mareo – La Val: 2-2

U11 (La Val/San Martin): La Val/San Martin – Obopuschtra Löwen: 2-1

U10 (San Martin / La Val): Burnech brüm – San Martin/La Val: 1-0

U8 (La Val): Burnech brüm – La Val: 4-1, Vahrn – La Val: 7-1, Burnech vërd – La Val: 3-2


 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©