US LA VAL
 
 
     
 

2˚ turno Copa Provinzia - andata cuntra Dietenheim

Stampa PDF

scuadra_20161

Le Dietenheim rosedëia le dopl vantaje dl La Val y fej süa la partida de andata de Copa Provinzia.







Sot le rî tëmp él incö sabeda gnü sughé la partida de andata dl secundo rode de Copa Provinzia cuntra la formaziun dl Dietenheim. I ladins segnëia dui goi dal mëteman mo vëgn castigá ti ultims menüc cun en terzo gol da pert di aversars. Bele tl pröm menüt segnëia i ladins le pröm gol, sön aziun röia Adrian cun le palé dan porta y vega na trata bassa che ti scinca atira le vantaje. Sön le ciamp strënt é i aversars cotan plö stersc, tla proscima cherd’ora lasci udëi n bel jüch y pressëia dassënn la defenjiun ladina. Al 25^ é Samuel che dribleia jö la fascia y fej pié ia na crossada/trata cuntra le pé lunch de porta, le palé é indirizé cuntra l’incrujiada che ti scinca le secundo gol por La Val. Atira do é ciamó Christian che manacia de fa só gol, cun na morvëia se portel le palé sön le pé dërt mo la trata röia de püch dlungia ia. Al 44^ davagna i aversars na puniziun dal limit, la trata de prezijiun rebat tla stangia de porta y spo te rëi.

Le pröm tëmp se stlüj insciö jö sön le 2-1.

Zeruch sön le ciamp sciampa le sterch numer 9 dl Dietenheim cuntra porta dassú, Julian antizipëia bun mo le palé röia al compagn che á ma plö bria de tra te porta por le 2 a 2. La formaziun aversara é tecnicamënter plö sterscia co i ladins tla secunda pert, che vëgn druca zeruch a defënn. Do che l’arbiter mostra i cinch menüc de recuper vëgn le numer 9 sorví de cé y pro na trata al jore dalunc che röia tl set de porta. Por i ladins na duscia frëida che n’á nia plö tëmp a disposiziun por remunté la partida.

Formaziun La Val : Julian Moling, Martin Ploner, Marco Castlunger, Paolo Vallazza, Egon Frenes, Marco Sottara, Freddy Sottara, Stefan Sottara, Christian Dapoz, Samuel Winkler, Adrian Miribung

Goi por La Val: Adrian Miribung al 1^ y Samuel Winkler al 25^

Proscima partida: In sabeda ai 12 de novëmber dales 14:30 a La Val


 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©