US LA VAL
 
 
     
 

2˚ turno Copa Provinzia - retüda cuntra Dietenheim

Stampa PDF

scuadra_20161

La scuadra da La Val perd la ferata de Copa Provinzia cuntra le Dieteheim a püc menüc dala fin.







In sabeda ai 12 de novëmber püch do l’inauguraziun dl pulmin nü él gnü sughé la partida de retüda de Copa Provinzia cuntra le aversar da Dietenheim che á ince davagné al’andata por 3-2. La Val tëgn le vantaje cina püch dan la fin.

Al é le Dietenheim che pëia ia cun plö sbunf, le sterch mezciamp fej giré bun le palé sön le ciamp dlacé da Plans. Al é indere i ladins che va in vantaje al 20^ cun Christian Dapoz, en palé rebatü vëgn controlé dal sogadú a mezciamp che fej pié ia na trata sëcia cuntra l’incrujiada de porta. Püch do pro Stefan de fa giré le curan sön le pé lunch, le palé rebatü dal numer un röia ciamó n iade a Max che se presentëia sú dan porta, la trata röia indere ados al portier. Le atacant aversar á al 40^ l’ocajiun por avalié le resultat, sön trata da ciantun rebat chësc bun de cé por püch dlungia porta ia.


Le pröm tëmp se stlüj insciö jö sön le 1-0 por La Val.


Le secundo tëmp é der combatü, i sogadus ne se vëgn nia sön le ciamp, a fa gní nervusc i patruns de ciasa é le atacant che anüza les svistes dl’arbiter por tizé sö i defensurs. I ladins fej dl düt por se paré dala presciun aversara y a püc menüc dala fin  ti sciampa n sogadú amez jö y fej pié ia na trata bassa dlungia le pé de porta ite. Cun chësc gol che fej avalié le resultat se stlüj ince jö la partida. Le Dietenheim passa le rode de Copa Provinzia. Cun chësta ultima partida se stlüj ince jö definitivamënter la sajun da d’altonn por la scuadra da La Val.

Formaziun La Val : Julian Moling, Luca Pescollderung, Marco Castlunger, Paolo Vallazza, Egon Frenes, Max Nagler, Christian Dapoz, Stefan Sottara, Felix Nagler, Samuel Winkler, Adrian Miribung

Goi por La Val: Christian Dapoz al 20^


 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©