US LA VAL
 
 
     
 

1ª gara de Südtirolcup

Stampa PDF

1._SC_Villn_249

La sajun di liöstri é indo daverta, i atlec de lüsa alta s’á bele mosoré te val competiziun, tra chëstes ince tla Copa de Südtirol, daulache i bogn resultac é nia manciá.

 

 

 

 

Bele da val dis é i atlec ladins sentá sön i liöstri a se mosoré tles competiziuns de lüsa alta. La pröma competiziun a daurí la sajun nöia 2016/17 é gnüda tignida ai 27 de dezëmber a Longiarü, na gara de cualificaziun ala nazionala por lüsa bassa. I atlec de lüsa alta à tut l’ocajiun por fa n bun alenamënt y se mosoré competitivamënter un cun l’ater. Da alzé fora te chësta gara i prüms bugn tëmps garatá di ladins.

Sciöche vigni ann é ince les tradizionales trëi gares de Südtirolcup sön le program, trofé der combatü y urü anter i atlec de lüsa alta de Südtirol. La prüma competiziun é gnüda tignida le ultim fin dl’edma a Funes sön la pista “Ranuier Rungg”.N gran l’âlt al comité d’organisaziun por le gran laur a arjigné ca na pista de condiziuns otimales por garejé. I atlec ladins à indo desmustré de ester stersc mostran sö chisc plazamënc: tla categoria dles aspirantes se posizionëia Nagler Luisa da Lungiarü al 4 post dan da l’atleta da La Val Rubatscher Manuela (6 post). Tla categoria di aspiranc fej i fredesc Serafini Saniele y Lorenzo respetivamënter le 18. y 20. post cun amesa ite le atlet jonn da La Val Campei Marco. Le 4. y 5. post tla categoria Mater B1 i va deperpo a Alton Anton y Tavella Robert.

A se tó na bela sodesfaziun é le talent Diego Tschaffert da La Val, do n bel ann de palsa y de preparaziun pôl bel mostré sö döes medaies d’or te chësc mët man dla sajun. La pröma a  Longiarü y la secunda pro la pröma de Südtirolcup (temp 1’01.49), tres te söa categoria Master A.

A mostré sö le miú tëmp dl dé é indere le campiun da Lijun Kaser Roman (1’00.09), che pó alzé sö na sfilza de primac tla sajun passada.

Resultac, tlassifiches y atres informaziuns plö detaliades pon jì a consultè sot la nöia plata  http://www.sportrodel.it/

 

I atlec se conforta bele ala secunda gara por la Copa de Südtirol, che gnarà tignida in chesc fin dl’edma a Latzfons. A düc i atlec ti aodunse düt le miú por la nöia sajun 2016/2017 che ëra portes a ćiasa de beles devëntes sciöche chëra dal ann passè.


I plazamënć dla pröma gara de Südtirolcup: risultati Südtirolcup

 

 

1._SC_Villn_035 1._SC_Villn_130 1._SC_Villn_249 1._SC_Villn_255
1._SC_Villn_283 1._SC_Villn_288 1._SC_Villn_453

1._SC_Villn_461


 

 

Por atres foto: Dropbox

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©