US LA VAL
 
 
     
 

Campionac europeics a Obdach tl'Austria

Stampa PDF

GPvE_Obdach_A_1029

La scuadra taliana de lüsa alta fej gran parüda ai campionac europeics tignis l’ultim fin dl’edma a Obdach dla Steiermark, lapró ince en valgünes medaies da pert di ladins.

 

 

 

 

Dan da bëgn dui agn ê i austriacs ciamò sön le scalin plö alt a Jesenice tla Slovenia tratan i campionac europeics. L’ultim fin dl’edma é indere i taliagn che à la miú sön i padruns de ciasa y arjunj i mius resultac portan a ciasa na sfilza de medaies.

Bele le vëndres s’á i cater atlec ladins metü sön trù por rové in tëmp al start dl Gran Pest d’Europa a se mosoré cun i atlec internazionai de 6 naziuns. Tla categoria masters I é Diego Tschaffert da La Val le plö asvelt ti sciampan dant al talënt austriach Ehammer Andreas. Tla categoria Juniores feminiles pó l’atleta jona Nagler Luisa da Longiarü fa le salt sön le terzo scalin dl podest a pié do la medaia de brom, Rubatscher Manuela mostra chilò sö le 8. miú tëmp. Pro I Juniores di ëi porta Alex Ploner da La Val a ciasa n bun cuinto post. La scuadra taliana mët al sigü le Gran Pest d’Europa cun bëgn 7 medaies d’or, 6 medaies de arjënt y 5 medaies de brom.

I resultac dla sabeda, varënc por le gran dé de gara dla dumënia, á pormetü a Diego Tschaffert y Nagler Luisa en post al start pro i mius atlec a livel internazional. Dan dal publich dles gran ocajiuns arjunj Diego le sesto miú tëmp a + 00:01,77 dal campiun frësch d’Europa Roman Kaser da Lijun, che na conzedü degügn fai tratan les döes competiziuns. Pro les eres röia Luisa al setim post a + 00:02,34 dal’austriaca Frischmann.

Tla tlassifica dles naziuns por soma de tëmps se plazëia la Talia al pröm post dan l'austria. Por stlü jö la sajun di liöstri vëgn i atlec ciamó invià duman sabeda a Longiarü por la finala de Copa de Südtirol, le start é preodü por les 09:30, dedô gnarà la premiaziun tignida tl salf dles manifestaziuns a La Val. Por stlü jö la sajun é düc dër bel invià ala festa che jarà inant do la premiaziun!



I plazamënc dl Gran Pest d'Europa ai 17-18.02.2017: risultati

I plazamënc di campionac europeics ai 19.02.2017: risultati

 

GPvE_Obdach_A_073 GPvE_Obdach_A_079 GPvE_Obdach_A_091 GPvE_Obdach_A_278
EM_Obdach_A_1137 GPvE_Obdach_A_279 GPvE_Obdach_A_1011

EM_Obdach_A_1151


 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©