US LA VAL
 
 
     
 

Memorial Alexander y Manuel sön Armentara 12.03.2017

Stampa PDF

P1050269

In dumënia ai 12.03.2017 él gnü organisé da pêrt dl' Uniun dl Sport Amatoriala da La Val la cuinta ediziun dla gara de schi alpinism in memorial de Alexander Ellecosta y Manuel Moling. Les condiziuns tlimatiches ne podô ester damì, le cîl sënza niores à fat da cornîsc al bel evënt sön armentara.

 


 


A gauja dla pücia nëi tumada ne él nia stè meso da arjigné ca la pista dla lüsa por la gara. Por i atlec dai schi ê deperpo le trù te bones condiziuns. Al start dales 10:00 ite a Spescia se él prejentè plü o manco 30 partezipanć, da chi plö determinà a fà le miù tëmp, a chi che à orü se lascè plö dlaurela y se gode le bel paesaje.

Dô da 35 menüć é spò i prüms atleć che é spizurà sö dal travêrt, dan la ütia "Ranch da Andrè". Bel plan é ince spo les mëses pro ütia che se é implides de jënt, ruvada adalerch da deplö paîsc dla Val Badia. Canche düć é rovà sö y s' à metü jö pro mësa, él gnü tignì la Santa Mëssa da Siur Franz Sottara.

Dedô él spo stè vigni atlet che à ciafè val da mangé y da bëre y dales 14:00 ti él gnü surandè da pêrt dl presidënt Alex Alton, Toni Ellecosta y Othmar Moling i pesć ai atleć por i miûs tëmps. Da alzé fora le miú tëmp dl dé, arjunt da Pescollderungg Albert cun le tëmp de 00:34,57.

Ala fin dla premiaziun ti él ćiamò gnü surandè na picera recordanza ales families Ellecosta y Moling.

Cun chësc bel tëmp y les temperatüres d’aisciüda é la festa dessigü garatada. Ringraziè uressun düć chi che à daidé organisé l evënt y düc chi che é gnüs adalerch por stè adüm y a insciö daidé abelì la festa.

Por odëi la tlassifica de chësta ultima ediziun dl Memorial drüca sön chesc linch: tlassifica

 





P1050278 P1050282 P1050285 P1050288
P1050297 P1050299 P1050305 P1050325
P1050331 P1050333 P1050335 P1050338
P1050340 P1050342 P1050345 P1050348

 

 

 

 

 

In dumënia ai 09.03.2014 él gnü organisé dal Uniun dl Sport Amatoriala da La Val la terza ediziun dla gara de schi alpinism in memorial de Alexander Ellecosta. Les condiziuns tlimatiches ne podô ester damì, le cîl senza na niura à fat da cornisc al bel event sön armentara.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©