US LA VAL
 
 
     
 

Reuniun generala 2017

Stampa PDF

P1050364

L’Uniun Sport Amatoriala à tigni ai 17 de merz 2017 süa reuniun generala anuala. La reuniun generala é stada na ocajiun por ćiarè zoruch al’ativité dl ann 2016 y por portè dant le program preodü por l’ann corënt. Gran punt sön l’ordin dla sëra è stada la protlamaziun dles lites dl comité.

 

 



Le presidënt Alex Alton á danfora saludé i mëmbri che à tut pert ala reuniun por passè spo a tratè l’ordin dl dla sëra. Ala fin dl ann passè pò la uniun mostrè sö 143 scrić ite. Le scrivan dl’uniun Marco Castlunger é spo passè a la letüra dl protocol dl'ultima sentada.

An é spo passá al cunt consuntîf 2016 y dl bilanz de previjiun, gnüs aprovà al’unanimité cun alzada de man. Al é spo gnü ciarè zeruch l’ultim ann, vigni caposeziun à riferì  sön l’ativité, i resultać arjunć y le program dl dagnì. La seziun cun la maiú ativité é indô chëra dl jüch dl palé.  Le caposeziun Michi Frenes à fat na picia introduziun y à fat na picera relaziun sön i resultać y ativité dles scuadres di mituns y jogn. N gran giulan ti va ai responsabili y geniturs por sò gran laûr, che se crüzia de alenè y acompagné i mituns a les partides. L'ativité cun i mituns, che rapresentëia le dagnì dl'uniun é tres stè n punt prinzipal dl l'ativité sportiva a La Val, nia ma pro le jüch dl palè mo inće pro la seziun lüsa y l’ativité de arpizé, de conseguënza vëgnel dè gran pëis a chësc punt. Da alzè fora è in chësc ann le bun secundo post d’altonn dl campionat de 3 categoria. Mensioné él ince sté l’europeada tignida tratan le mëis de messé te Südtirol, daulache ince 4 sogadus da La Val à tut pert. Les scuadres che tôl pert ai campionac FIGC y VSS tratan la sajun 2016/17 é bëgn 8, cun la novité dl’U8, daulache al s’á formé n bel grup de pici sogadus, cun l’alenadëssa Moling Monica a cé. Ales scuadres di campionać daulache al süga sogadus da La Val i vëgnel fat les miûs aodanzes por n bun campionat de retüda. Le A.C. Chievo Verona Summer Camp è ince rové a süa secunda ediziun, tignì amez messé a La Val. Grana é stada la partezipaziun cun plö de 50 mituns da vigni pert dla valada. L’iniziativa é garatada y porchël él bel fissé ince por l’isté 2017 en camp.

Pro les ativitês desvalies él gnü portè dant da pêrt dla responsabla Monica Ploner i cursc organisá. Dër aprijá é gnüs i cursc por mituns organisà tl'ann 2016, danter i atri le curs de schi, da nudè, ginastica artistica y funzionala,le program sportîf da d’isté y la novità dl curs dla lüsa. Düć i cursc è gnüs tignis y organisà en colaboraziun cun la Scora de Schi Dolomites, Simon Dapoz, Alex Verginer, Davide Moling, Tschaffert Diego, Gentilini Federica y Comploi Sara. Sce an ciara zeruch ai ultims agn pon udei sciöche chisc cursc vegn tres deplö chiris, ruvan al numer de partezipanc tratan le 2016 a 207. L’Uniun se cruziarà sambëgn ince tl 2017 de organisé cursc desvalies.

Pro la seziun dla lüsa él gnü portè dant i punć prinzipai dl’ativité. Responsabli dla seziun é Diego Tschaffert adüm a Carlo Miribung y Merch Vallazza. A tó la parora é Diego Tschaffert che po’ mostrè sö adüm a düta la seziun i bugn plazamënć di alteć dla scuadra da La Val tratan la sajun 2016/17. Sciöche ultima gara dla sajun è la seziun lüsa da La Val che à albü l’onur de ospité la finala de Südtirolcup sön la pista “Do Juvel” a Longiarü. La premiaziun y festa è spo jüda inant tl salf dles uniuns da La Val. Cun gran plajëi pon ince udëi sciöche i atlec plö jogn vëgn do ca cun na gran motivaziun, bele te chësta sajun él un o l’ater che à podü ciarcé les competiziuns tradizionales. N gran giulan ti va dal' atra pêrt ai organisadûs y ai acompagnadûs dla seziun, che cun sò gran laûr y sostëgn dà dessigü n gran contribut a tignì alâlt le sport dla lüsa a La Val. L’ultim fin dl’edma, ai 12 de merz è gnü organisé la gara de schi alpinism sön Armentara, por recordé i jogn Alexander Ellecosta e Manuel Moling. A gauja dla pücia nei ne éra nia jüda de arjigné ca la pista dla lüsa. Cun en cil sarëgn y bun cialt è la festa dessigü garatada.


Gran evënt tratan le 2016 è dessigü sté la cumpra de n secundo pulmin, por organisé miú le trasport di i mituns dles scuadres y dla lüsa fora por düt l’ann. Inplö él ince gnü arjigné en nü vistimënt por la gran scuadra y la scuadra di Altherren. Por curì i cosc él gnü organisé na lotaria damané do n aiüt finanziar ales dites dl paisc y ince defora, a chisc n gran giulan!

Portè dant él ince gnü i laurs de manutenziun ala plaza sportiva ia n Plans. Por i dui pulmins él gnü costruì na tetoia, por porvé de prevení l’infiltraziun dl’ega ti magazinns dessot él gnü sostituì les grates por l’ega, le comun a metü a disposiziun en tractor y na pursona por delibré la nëi dal ciamp d’invern, le tractor atual ne é nia plö sté meso cuncé sö. L’iluminaziun dl ciamp da jüch ne vëgn nia plö omologada, les lümes mëss gnì sostituides.

Pro i ultims punc él ciamó gnü presenté le proiet por la revalutaziun dla zona sportiva “Plans”, la picia prejentaziun pon ciafé a chesc linch: revalutaziun zona "Plans"

Ala reuniun é inće stè presënc l'Ombolt Angel Miribung y Vize Ombolt Fellix Dapoz da La Val che à tignì n discurs sön l'ativité dla uniun y à alzè fora l' importanza dl'ativité sportiva. Ai à ringrazié i funzionars dla uniun por le laûr  y por le impëgn demostrè. I complimënć al fat deperpo ales scaudres dl palè y ai bugn resultać arjunć da pert di atlec dla lüsa. Por ci che reverda la cumpra de aparać de pröm aiüt al aprofondi l’argomënt y sotrissé. Le presidënt à tut l'ocajiun por ringrazié le ombolt por le sostëgn finanziar che vëgn vigni ann conzedü da pêrt dl comun ala uniun.

Cun la reuniun generala él ince gnü tut l’ocajiun por surandé val reconescënza a sogadus y mëmbri dl comité che por miric à dassënn contribuì al’ativité sportiva da La Val, chilò dessot i mëmbri onorà:

INOM

AGN

Klaus Rubatscher

mëmber dl comité

9

Fabian Sottara

mëmber dl comité

9

Michael Frenes

prüma scuadra

14

Schuen Davide

prüma scuadra

10

Vallazza Merch

prüma scuadra

14

Frenes Daniel

prüma scuadra

10

Rubatscher Romeo

prüma scuadra

18

Alton Ivan

prüma scuadra

11

Alton Alex

prüma scuadra

19

Sciöche ultim punt dla serada é stada la protlamaziun dles lites dl comité, che arà le compit de aministré l'uniun por i proscimi 3 agn. Plö inant gnarà spo prejentè le comité nü.

Cun le discurs dl’ombolt s’à stlüt jö la reuniun anuala dl’Uniun dl Sport La Val, dedo é ćiamò düć stà adüm pro val da mangé y da bëre. N bel giulan a düc i presënć y a proscim ann!


Por ciarè ala prejentaziun drüca sön le linch injuntè: prejentaziun

 

P1050349 P1050350 P1050351 P1050352
P1050353 P1050354 P1050355 P1050356
P1050358 P1050360 P1050361 P1050362
P1050363 P1050365

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©