US LA VAL
 
 
     
 

1ª partida de campionat rit. - Niederdorf

Stampa PDF

scuadra_20161

N önescmetri trasformé tla prüma pert dla partida i basta a La Val por se davagné i trëi punc pro la prüma de campionat.







L’ultim fin dl’edema é ince scomencé por la terza categoria le campionat de retüda. Do avëi stlüt jö la sajun da d’altonn cun le secundo post de tlassifica, spera La Val de fa cotan miù te chësc rode d’aisciüda. Le pröm vare é garaté, tla pröma partida é l’aversar da Niederdorf che ne cöia degügn punc y mëss insciö sun jì derevers a ciasa a mans ötes.

Ti prüms menüc de jüch é le Niederdorf che fej gran presciun sön i sogadus ladins che stënta a sughé fora i palés. Le pilaster a mezciamp Bachmann cüra bun le curan y le partësc fora ai atacanc ruvan ince val iad dan le limit ala trata. Al 10^ é l'arbiter che anulëia le gol por le Niederdorf a gauja de n contrast sön le portier Sepl. Ala cherd'ora é spo i ladins che ciafa coraje, l'atacant Winkler vëgn sorví cun na crossada alta y contrasté dal defensur, sön chëra é l'arbiter che mostra sön le punt dl'önescmetri. Le capitan Stefan se presentëia ala trata dla mascima puniziun y desliëia le pêr portan la scuadra en vantaje. Püch do le gol davagna l'aversar na puniziun dal limit, le sterch tiradú Bachmann fej chilò giré le curan cuntra l'incrujiada de porta, fortüna por i ladins.



Le pröm tëmp se stlüj jö sön le resultat de 1-0 por La Val.

A daurí le jüch tl secundo tëmp é indo i pustri, la formaziun de ciasa vëgn atacada y mëss aretré a defënn. Sciöche tla prüma pert se descëda i ladins do val menüt y mët man de costruí val bela aziun. Al 60^ vëgn Michele sorví cun en palé alt, sú dan le portier veghel na trata sëcia y ne atoca insciö nia le spidl de porta. Püch do é la combinaziun de Franz y Stefan che fej rové chësc ultim ala trata al limit, le curan ti fej le pulan al pé bass de porta. I aversars se alza, rischian val de plö y i ladins anuzëia chësc vantaje por porvé de stlü jö la partida, chësc ne gareta indere nia, la pücia conzentraziun pro l'ultim passaje é scialdi fatala. La Val se para impó cuntra l'ultim druch dl Niederdorf davagnan insciö trëi punc importanc por le mëteman dl campionat.

 

La Val – Niederdorf : 1-0


Formaziun: 1. Sepl Kantioler, 2. Marco Sottara, 3. Egon Frenes (dal 75^ Luca Pescollderung), 4. Paolo Vallazza, 5. Marco Castlunger, 6. Freddy Sottara (dal 60^ Max Nagler), 7. Christian Dapoz, 8. Michele Campei, 9. Samuel Winkler (dal 25^ Alexander Miribung), 10. Stefan Sottara, 11. Franz Tolpeit (dal 80^ Felix Nagler)

 

Proscima partida:  In dumënia ai 9 de aurì dales 16:00 a Dietenheim


Atri resultac:


Giovanissimi: La Val – San Iöre  7-0

Allievi: Stegen: – La Val 1-0

U11: La Val – San Laurenz: 1-2

 


 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©