US LA VAL
 
 
     
 

2ª partida de campionat rit. - Dietenheim

Stampa PDF

scuadra_20161

Le Dietenheim anuzëia bun les situaziuns standard por segné trëi gol a La Val y fej insciö süa la devënta.







En domisdé cialdin chël dl’ultima dumënia a Dietenheim, daulache la formaziun da La Val é rovada por sughé la secunda partida de campionat. Sön le ciamp strënt é i padruns de ciasa che fej süa la devënta cun n resultat tler. Le pröm tëmp vëgn scialdi sughé ala pêr cun ocajiuns da smöie le resultat da tramres perts. Le bel jüch ti gareta ai aversars che se alza dassënn al atach cuntra la defenjiun ladina. Al 20^ röia Franz sú dan porta y vega na trata alta sura porta fora. Püc menüc dô vëgn na trata sëcia rebatüda dal portier Sepl che te dui tëmpc spizurëia ciamó demez le palé cun la piza dl pé. Al 35^ se fej Max lerch da na pert y crossëia bass amez por le compagn Michele che röia indere massa tert por apogé le curan te porta. Al 44^ vëgn conzedü al Dieteheim en önescmetri che vëgn ince trasformé. Na duscia frëida por le gol subí fej jì atira do i ladins tla palsa.



Le pröm tëmp se stlüj jö sön le resultat de 1-0 por le Dieteheim.

Tla secunda pert röia i aversars te ciamp determiná a stlüj ia la partida, chësc ti gareta ince. Al 55^ é le atacant Felder che davagna na puniziun al limit y radopiëia le resultat cun na trata a bót sigü te porta. Le cialt y le jüch asvelt ti tôl les forzes ai sogadus ladins che se lascia ciamó sciampé le terzo y ultim gol. Chësc suzed al 70^, sön puniziun vëgn spizuré le palé de ce dlungia le pé de porta ite. Tl'ultima cherd'ora pro ciamó La Val de se alzé, l'ultima dles püces ocajiuns por La Val é chëra de Felix sön puniziun, la trata sön le pé lunch vëgn indere desfantada dal portier. Le mandl fosch sciüra püch do la fin dla partida, por La Val chësta na pordüda ria da dlotí.

 

Dietenheim – La Val  3-0


Formaziun La Val: 1. Josef Kantioler, 2. Marco Sottara, 3. Werner Sottara, 4. Marco Castlunger, 5. Paolo Vallazza, 6. Christian Dapoz, 7. Max Nagler (dal 75^ Egon Frenes), 8. Michele Campei, 9. Adrian Miribung (dal 70^ Luca Pescollderung), 10. Stefan Sottara - capitan, 11. Franz Tolpeit (dal 65^ Felix Nagler)

Proscima partida: In sabeda ai 15 de aurì dales 16:00 te ciasa cuntra le  Gais.

Atri resultac:

Altherren: Falzes - La Val: 0-0

Allievi: La Val - Falzes: 3-3

Giovanissimi (La Val): Taisten – La Val: 9-1

U-11 : Stegen – La Val/San Martin: 2-1

U-10 : S.Martin/La Val – Gais/Uttenheim: 2-4

 


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©