US LA VAL
 
 
     
 

3ª partida de campionat rit. - Gais

Stampa PDF

scuadra_20161

I ghesc da Gais anuzëia bun üna dles püces ocajiuns da gol por arjunj le vantaje y la devënta sön i ladins, i pustri resta insciö inant a ciaval dla tlassifica.







Tratan le fin dl’edema de Pasca é la scuadra da Gais, atualmënter a cé dla tlassifica dl rode C, che é rovada a La Val. I ladins adora indo punc por resté toch dlungia ales prümes posiziuns; ince sce les assënzes é cotantes por via de infortuns, é i sogadus ruvà te ciamp cun determinaziun de fa bun,indere chësc iade é le Gais che ti mët le bastun amesa les giames. Üna na trata sóra de puniziun ti á porté la devënta. Les atres ocajiuns pon arcompedé sön na man sóra.

Bele atira dal mëteman röia le palé te area ladina, daulache le defensur Martin rebat demez le curan denant che l’atacant röies ala contlujiun. Püc menüc dedô se presentëia le atacant Franz sú dan le portier mo ne incuadrëia nia bun le spidl de porta, chilò archita sö le portier la trata. Al 20^ vëgn la trata dal ciantun rebatüda al limit, Stefan röia cun sbunf lassura y pro la trata al jore che ti fej le pulan ala stangia de porta. Le medemo pro al 26^ la trata bassa dal limit, le portier mëss chilò deloj le curan te ciantun. Prigorosa é l’ocajiun dl Gais al 35^, na bela crossada bassa röia amesa l’area fora, mo degun sogadú ne röia lassura a rebat le palé te rëi.


Le pröm tëmp se stlüj jö sön le 0 a 0.


Do le pröm tëmp se fej le jüch dl Gais plö intensif, atramënter sciöch tla pröma pert, se stënta La Val a cotruí val aziun y ne tëgn nia plö bun la posiziun. Insciö gareta ince tosc le vantaje, l’atacant aversar ti sciampa da na pert jö y röia sú al limit, chiló é le contrast de Stefan che ti fej davagné ai pustri na puniziun al limit. La trata é de prezijiun y cun potënza sön le prüm pé de porta. 1 a 0 por le Gais. Tl’ultima pert dla partida é le Gais che mëss aretré a defënn, i padruns de ciasa pressëia bun mo stënta a ruvé ala trata, intres é i passaji massa lunc o massa cürc. Cun le sciür dl arbiter se stlüj ia i nonanta menüc de jüch. Le pêr foss sté plö co iüst sce an ciara les ocajiuns da gol y le andamënt dla partida. La Val toma insciö zeruch al terzo post de tlassamënt y se preparëia ala partida tan sintida cuntra le Mühlwald.


La Val – Gais  0-1


Formaziun La Val: 1. Josef Kantioler, 2. Martin Ploner, 3. Werner Sottara (dal 75^ David Moling), 4. Paolo Vallazza, 5. Marco Castlunger, 6. Christian Dapoz, 7. Luca Pescollderung (dal 70^ Patrick Miribung), 8. Max Nagler, 9. Miribung Adrian (dal 70^ Felix Nagler), 10. Stefan Sottara - capitan, 11. Franz Tolpeit

Alenadù: Gerhard Hilber

Proscima partida: In dumënia ai 23 de aurì dales 16:00 a Mühlwald cuntra la scuadra de ciasa.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©