US LA VAL
 
 
     
 

4ª partida de campionat rit. - Mühlwald

Stampa PDF

scuadra_20161

Do döes partides debles se lascia La Val ince tó dal Mühlwald i trëi punc. I ladins va en vantaje tl pröm tëmp mo vëgn rosedà dai aversars y dales dezijiuns dl’arbiter tla secunda pert.







La scuadra da La Val ne á mai albü gran simpatia por i aversars da Mühlwald. Intres é les partides decuntra dër sintides sides da pert dl publich, sides da pert di sogadus y caraterisades da en jüch gro y da stritaries. I ladins ó se refà dles ultimes döes pordüdes, cina les prüm tëmp sumëia che La Val à la partida tles mans, mo cun l’aiüt dl’arbiter che conzed dui önescmetri der tl dübe sce nia inesistënc, ti gareta ai aversars de rosedé le resultat.

Atira é La Val che va al’atach, sön na trata dal ciatun é Stefan che rebat de cé cuntra porta mo la reaziun dl portier aversar è ejemplara y salva le resultat. Al ne passa nia tröp, al 20^ conzed l’arbiter la mascima puniziun sön en fal defensif dl Mühlwald, ala trata se presentëia le defensur Marco che tira bun sön la man dërta, le portier é bun da se destrá a deloj le palé te ciantun. La medema trata dal ciantun vëgn abinada da Stefan che crossëia amez y Marco deloj inant de cé por Adrian, chësc ultim á ma plö bria de spizuré le curan te rëi. Sön le vantaje ladin devënta i aversars nervusc y fej gran druch cuntra la defenjiun. Prigorosa la puniziun dal limit al 40^, le portier Sepl desfantëia la trata indirizada sön le pé de porta.


Le pröm tëmp se stlüj jö sön le 1 a 0 por La Val.


A mët man bun le secundo tëmp é i pustri, che ne lascia nia sughé le palé ai ghesc. En palé arlungé röia a trëi atacanc daldöt fora de jüch, le arbiter ne archita nia y i lascia jì súsc cuntra porta. Gran fortüna che Sepl é bun de archité la trata. Al 55^ vëgn Luca P. sorví cun na passaja filtranta cuntra porta, le control ne é nia le miú y le palé cogora ados al portier. Al 60^ se fej le sogadù puster lerch da na pert it y toma a tera, l’arbiter posizioné dalunc á udü che le defensur à stracé jö l’atacant cun le brac, la protesta por l’invenziun dl’arbiter ne é por nia: le önescmetri conzdü dër tl dübe vëgn trasformé. Al passa püc menüc che al suzed la secunda morvöia, sön na crossada toma l’atacant ados al defensur da La Val, te n gran cajin amez area se vëiga l mandl fosch chilò n fal de man daldöt inesistënt, al conzed la secunda mascima puniziun. I ladins dessenà por la dezijiun subësc le secundo gol. L’ultim gol che ti taia les giames ai ghesc röia al 80^, dal mezciamp pëia ia na bela crossada por l’atacant che rebat de cé le curan te porta. Ti ultims menüc regnëia sön le ciamp cajin y nervosism. I sogadus da La Val lascia insciö le ciamp sot i scrai d’esultaziun dl publich de ciasa, dessenà por la debla direziun arbitrala mo ince cosciënc de avëi lascé dô la deteminaziun desmostrada dl pröm tëmp.


Mühlwald – La Val : 3 - 1

Formaziun La Val: 1. Sepl Kantioler, 2. Marco Sottara, 3. Werner Sottara 4. Paolo Vallazza, 5. Marco Castlunger, 6. Christian Dapoz, 7. Luca Pescollderung, 8. Max Nagler (dal 75^ Felix Nagler), 9. Adrian Miribung (dal 45^ Alexander Miribung), 10. Stefan Sottara - capitan, 11. Franz Tolpeit (dal 80^ Samuel Winkler)


Gol por La Val: Adrian Miribung al 20^

Proscima partida: La Val süga en domënia ai 30 de aurì dales 16:00 a La Val cuntra le Percha


Atri resultac:


Altherren (La Val): La Val – Terenten  0-3

Juniores (Val Badia): Val Badia – Vahrn   2-1

Aliefs (La Val): Eggental – La Val  1-3

Giovanissimi (la Val): La Val – Porsenù  1-0

U10 (S. MartinLa Val): S. Martin/La Val – Taufers  0-6

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©