US LA VAL
 
 
     
 

6ª partida de campionat rit. - Prettau

Stampa PDF

scuadra_20161

Na partida dals gran emoziuns chëra cuntra i aversars da Prettau. Le gol dla devënta tomé tl’ultim menüt de jüch ti pormët a La Val le balz al secundo post.







Na devënta miritada y de gran importanza por l’andamënt dl campionat chëra dl’ultima sabeda a Prettau. N ciamp prësc striné por i ghesc ladins, che tles ultimes sajuns à msé ji derevers a ciasa scialdi tres a mans ötes. A gauja de tröpes assënzes é i ladins ruvà sön le ciamp in minoranza, la determinaziun de fa bun ne é chësc iade indere nia manciada.

Bele dal mëteman é La Val che detëia le ritm, i sogadus da na pert fej bun só laur y pressëia sön la defenjiun. Ala cherd’ora, tratan le bun momënt por La Val, röia i padruns de ciasa al gol dl vantaje cun na trata dal ciantun indirazada cuntra l’incrujiada lungia dla porta. Ti proscims 10 menüc ribaltëia i ladins le resultat, plö avisa al 22^ vëgn Franz sorví dala defenjiun y se fej lëde le trú cuntra porta, le un dl Prettau ne sciafia nia da paré la trata d’estern dl’atacant. Al 26^ gareta la medema combinaziun da denant, Franz controlëia bun le curan y a püc metri dan porta veghel la trata a bót sigü sura le portier ite. Al 35^ é le Prettau che anüza la dijatenziun di ladins por porvé de puniziun de avalié le resultat, le portier Sepl che posizionëia le mür veiga le palé tl’ultim y l’archita.


Le pröm tëmp se stlüj jö sön le 2 a 1 por La Val.


Tla secunda pert é le Prettau che mostra i dënz, ruvan plö iadi ala contlujiun. Al 65^ ti gareta ai aversars de avalié le resultat cun en önescmetri: Le astüt sogadú amez ciamp se lascia tumé ados al defensur. L’arbiter vëiga dalunc le fal daldöt nia esistënt y conzed insciö le önescmetri. La protesta da pert di sogadus fej gní l’arbiter nervus che ti osc le spiné ai ladins. La mascima punziun trasformada fej avalié le resultat. La formaziun de Hilber se alza por chirí a düc i cosc le vantaje, che röia purmó al ultim menüt de jüch: le palé vëgn arlungé por Samuel che se fej lerch cuntra porta y aspeta cina l’ultim mumënt por la trata bassa sön le pé lunch de porta. Le chît dl publich de ciasa y le sciür dl’arbiter fej ruvé la partida. Na devënta esenziala, che fej posizioné la scuadra da La Val al secundo post de tlassifica. Le Gais se asigurëia le titul de campiun dl rode C a trëi partides dala fin, por mirit dla devënta cuntra le Mühlwald. Le campionat se fej ciamó interessant por le secundo post che oress dì rové ales partides de dezijiun por porvé le salt de categoria.


Prettau – La Val  2-3


Formaziun La Val: 1. Josef Kantioler, 2. Luca Pescollderung (dal 65^ Adrian Miribung), 3. Werner Sottara, 4. Paolo Vallazza, 5. Marco Castlunger, 6. Christian Dapoz, 7. Marco Sottara, 8. Max Nagler, 9. Samuel Winkler (dal 90^ Martin Ploner), 10. Stefan Sottara - capitan, 11. Franz Tolpeit


Goi por La Val: Franz Tolpeit al 22^ y al 22^ y Samuel Winkler al 90^

Proscima partida: In domënia ai 14 de mà dales 16:00 a La Val cuntra la scuadra da Uttenheim.


Atri resultac:


Altherren (La Val): La Val – Dietenheim 3-1

Juniores (Val Badia): Val Badia – Ahrntal: 1-5

Allievi (La Val): Vahrn – La Val: 4-1

Giovanissimi (La Val): La Val – Eggental: 0-2

U11 (La Val/San Martin): Obopuschtra Löwen - La Val/San Martin: 2-0

U10 (La Val): Burnech brüm – La Val: 2-0

U8 (La Val)

– torné a Stegen: Stegen – La Val: 2-2

Kiens – La Val: 3-2

Oberpuschtra Tiger – La Val: 5-1

 

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©