US LA VAL
 
 
     
 

7ª partida de campionat rit. - Uttenheim

Stampa PDF

scuadra_20161

I ladins dominëia cuntra le Uttenheim y ti pita al publich na partida rica de ocajiuns.







Val menüt por se studié jö la formaziun pustra y al 10^ é Samuel Winkler che sblochëia le resultat: Stefan se fej lerch da na pert y preparëia amez por l'atacant che spizurëia le palé te porta. Al 17^ é le sogadú amez Christian che se delibrëia al limit por fa pié ia na gran trata te ciamp, le curan rebat indere sön le ciantun alt de porta. I ghesc stënta a se sbloché y i ladins anüza le momënt, al 25^ él Stefan che pëia ia cuntra porta y carichëia la trata al limit, tl'ultim vëgn le palé devié dal defensur mo röia te porta por le 2 a 0. Dan la fin dl pröm tëmp concretisëia ciamó Samuel üna dles döes aziuns costruides: Marco S. ti sciampa al defensur y preparëia amez, l'atacant pro la trata a giré söl pé lunch mo le curan röia de püch sura fora. Püch dô, plö avisa al 40^ vëgn le curan alzé da na pert cuntra porta, chësc iade se presentëia Samuel sú dan porta y á ma plö bria de apogé de cé tla rëi.


Le pröm tëmp se stlüj jö sön le 3 a 0 por La Val.


Tla pröma cherd'ora tl secundo tëmp é le Uttenheim plö determiné, la defenjiun ladina à val dificolté a se defënn mo plö ch'intan ne é i palés nia prigorusc. La partida se osc tosc y La Val pro de mët al sigü le resultat, bëgn trëi iadi röia i atacanc cuntra porta y preparëia amez por i cumpagns, chisc indere ne röia nia denant a rebat in tëmp te porta. Le gol che ti taia les giames ai pustri röia spo al 70^, Marco S. crossëia alt amez, Max röia por pröm y rebat sëch de cé cuntra le set de porta, na bela aziun che ti porta le cuarto gol ai ladins. Al 80^ pro ciamó Franz de segné, al controlëia bun le palé alt sorví dal mezciamp, sú dan le portier veghel na trata bassa che rebat cuntra le pé de porta. Ti ultims menüc de jüch ne pordüj nia i aversars a remunté le lerch svantaje. Plajei à ince fat udëi indo Michele Campei sön le ciamp, do la lungia assënza a gauja de na destrata ai liamënc dla ciaidla. I ladins pó ester capazi por la buna prestaziun y le resultat, che ti da nöia forza por les ultims döes partides de campionat y por defënn la posiziun de tlassifica.


La Val – Uttenheim  4-0


Formaziun La Val: 1. Josef Kantioler, 2. Luca Pescollderung (dal 70^ Martin Ploner), 3. Werner Sottara, 4. Paolo Vallazza, 5. Marco Castlunger, 6. Christian Dapoz, 7. Marco Sottara (dal 75^ Felix Nagler), 8. Max Nagler (dal 75^ Michele Campei), 9. Samuel Winkler (dal 75^ Alexander Miribung), 10. Stefan Sottara - capitan, 11. Franz Tolpeit (dal 80^ Adrian Miribung)

Goi por La Val: Samuel Winkler al 10^ y al 40^, Stefan Sottara al 25^ y Max Nagler al 70^


Proscima partida: In domënia ai 21 de mà dales 16:00 sön le ciamp dl San Iöre cuntra la scuadra dl San Iöre Iunior.


Atri resultac:

Iuniors (Val Badia): Latzfons Verdings– Val Badia: 3-2

Jogn A (La Val): La Val – Porsenù: 3-4

Jogn B (La Val): Freienfeld – La Val: 0-2

U11 (La Val/San Martin): La Val/San Martin – Kronteam vërd: 1-3

U8 (La Val)

torné a Stegen: La Val – Latzfons/Verdings vërd : 7-1 / Latzfons/Verdings cöce – La Val: 0-1 / Reischach brüm – La Val: 1-4

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©