US LA VAL
 
 
     
 

9ª partida de campionat rit. - Gsiesertal

Stampa PDF

scuadra_20161

Sön le ciamp lorënt a La Val mëss la scuadra da La Val se asuié le punt cuntra le Gsies, che ti à basté por jì ales partides de dezijiun.







Do en scomenciamënt de retöda nia propi di miûs, s’á i ladins refat tles ultimes partides de campionat, davagnan cotan de punc che ti à pormetü de arpizé les posiziuns de tlassifica cina le secundo post. Ala fin al ma plö mancé un en punt, che à assiguré la posiziun y en post pro les partides de dezijiun.

Jun daimpró ia cun l’ultima partida de campionat. Le Gsies, ruvé adalerch a La Val, à mostré püces deblëzes y à lascé udëi ince en bel jüch. I patruns de ciasa ne à deperpo nia anuzé les püces ocajiuns conzedüdes por jì in vantaje. Al 10^ vëgn la defenjiun dl Gsies taiada fora cun na passaja dal mezciamp, le palé röia a Marco S. che se presentëia bel su dan le portier, la trata é indere debla y zentrala. Tles ripartënzes é l’aversar plö sterch, la formaziun ladina é posizionada mal te ciamp y se fej sciampé saurí le sogadú. Plö d’intan ne é le palé aversar nia en prigo por i ladins. Al 25^ controlëia Samuel W. le palé al limit y fej pié ia na trata alta, le portier deloj cun la piza di dëic te ciantun. I sogadusc é contënc de aldì le sciür dla fin dl pröm tëmp y jí insciö tla palsa a trà le flé y a se renfresché por se paré dal gran cialt.


Le pröm tëmp se stlüj jö sön le le 0-0.


Al 55^ é le sogadù amez Christian che á l’ocajiun de sbloché la partida sön le pé, al vëgn sorví cun na rebatüda alta y röia sú dan le un dl Gsies, al chir fora le pé bass daulà tra le palé, le portier é indere asvelt y capësc la direziun dl palé. Amez le secundo tëmp é spo le Gsies che pëia ia cun gran druch, al 70^ é l’atacant che ti sciampa bëgn a trëi sogadus y röia sú dan porta, por fortüna é la trata debla y Sepl sciafia de paré cun i pügns. Ciamó en iade é La Val che pro cuntra porta, la crossada al 80^ röia avisa sön le cé de Adrian sú dan le portier, le palé rebatü é indere chësc iade massa alt y röia sura la stangia de porta fora. I sogadus sfinis dal cialt ne é nia plö bogn de costruí le jüch y mëss se retrà ti ultims menüc a defënn. La Val tëgn bót inant al Gsies y arjunj insciö cun le sciür dl’arbiter le punt che basta por confermé le secundo post de tlassifica.  Incö vëndres vëgnel sughé les finales de Copa Provinzia, che determinarà l’andamënt y i acopiamënc por les partides de dezijiun.

De gran complimënć ti va a düta la scuadra y a sò alenadù Gerhard, por l'impëgn desmostrè y por i bì resultać portà a ćiasa. Na gran reaziun tles ultims partides che ti à porté le secundo post. Ma insciö inant!!


La Val – Gsiesertal  0-0

Formaziun La Val: 1. Josef Kantioler, 2. Luca Pescollderung (dal 80^ Martin Ploner), 3. Werner Sottara, 4. Paolo Vallazza, 5. Marco Castlunger, 6. Christian Dapoz, 7. Marco Sottara (dal 70^ Michele Campei), 8. Max Nagler, 9. Samuel Winkler (dal 75^ Felix Nagler), 10. Stefan Sottara - capitan, 11. Alexander Miribung (dal 75^ Adrian Miribung)

Proscima partida: Dé y orar dles partides de dezijiun gnarà publicà plö inant sön la plata dl’U.S. La Val/Facebook


Atri resultac:


Altherren (La Val): La Val – Welsberg 3-1

Juniores (Val Badia): Val Badia – Natz: 1-3

Allievi (La Val): La Val – Hochpustertal: 0-1

Giovanissimi (La Val): Mareo – La Val: 2-1

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©