US LA VAL
 
 
     
 

Campionat 3. y 2. categoria

Stampa PDF

Al ê gnü ora da passè al campionat federal

Ala fin dl campionat 1994/95 che á odü la partezipaziun dla scuadra da La Val al campionat "Trofê Banca Populara" ân n pü' albü l'impresciun che al falass tla scuadra la dërta motivaziun. Ince sce le livel de jüch ne se desfarenziëia nia tröp dal campionat de 3. categoría, mancel te chësc campionat la motivaziun da arjunje la promoziun tla ca­tegoría dessura. Le travert y la poscibilité da "jí sö" porta a n maiú impëgn da pert di so­ga­dus y a afrontè plü seriamënter le compit che vignun suratôl cun la parte­zipa­ziun a na scuadra. Dantadüt por i sogadus jogn é chësc dër important.

Insciö á le consëi dl'U.S. La Val adüm cun i sogadus dla scuadra tut la dezijiun da se scrí íte por l'ann 1995/96 al campionat federal. En conscidraziun dl'esperiënza fata ti agn passá tl campionat "Trofê Banca Po­pu­lara" ê la gran maioranza di aconsiadus y ince di sogadus dla minunga, che sëgn êl le dër momënt por fá chësc vare. I funzionars dl'Uniun â cun chësta dezijiun ince ponsè ai sogadus jogn che te n valgügn agn gnará fòra dles scuadres joniles. An orô ti pité ai sogadus che gnê docá la poscibilité da soghé te so paîsc te na scuadra de n bun livel, magari tl campionat de 2. categoría.

La dificulté che á fat plü ponsè sura i ami­nistradus dl'Uniun denanco tó chësta de­­zijiun ê zënz’ater chëra d'ester bugn da so­ste­gní les gran spëises d'iscriziun al campio­nat nü. Por se scrí íte al campionat âl messü gní paié dütadüm zirca 6 miliuns. Valgügn dijará: porciodí é pa la federaziun tan ciaradosa, canche tl campionat "Trofê Banca Populara" gnê l'iscriziun a costè mâ n cuint de chësta soma? Le campionat fe­de­ral vëgn organisé dala F.I.G.C. (Federazione Ita­liana Giuoco Calcio), olache al é iadedô n apa­rat organisatîf che mangia sö n grüm de scioldi. Dal'atra pert mëssun ince dí che l'ater campionat vëgn ince finanzié en pert dala Banca Populara, porchël ch'al vëgn ince nominé insciö.

Copa dles Provinzies 1995/96

Dan le campionat á la scuadra soghé döes partides por le tornê "Copa Provinzia de Balsan" organisé dala federaziun por les scuadres scrítes íte ai campionac’ federai. Les scuadres de 2. y 3. categoría ê gnüdes par­tides íte te grups da trëi, olache la scua­dra che rovâ prüma passâ inant al proscim turn. La scuadra da La Val é ro­vada adüm cun l'U.S. S. Martin y l'U.S. Alta Badia. La prüma partida sogada a La Ila cuntra l'Alta Badia é gnüda pordüda por 4 a 1. Cuntra S. Martin é la scuadra da La Val stada buna da se refá, davagnan söla plaza de ciasa por 1 a 0. Rovada inant é l'U.S. Alta Badia, che á davagné le "girone".

Campionat de 3. categoría 1995/96

N alenadú nü

Bele denanco scrí íte la scuadra al cam­pio­nat federal, s'ân fat pinsíers por chirí n alenadú nü, deache Pio Ploner che â alenè dër bun la scuadra ti ultims dui agn ne s'â nia plü metü a desposiziun por gaujes de laûr. Dô avëi ince aldí la minunga di soga­dus á le consëi dl'Uniun tut la dezijiun de in­ga­jè n alenadú da foradecá, y plü avisa Ernesto Ferdigg da Rina. Al á atira desmo­strè n gran interès y cun süa esperiënza lungia da sogadú âl porvè da mëte adüm na scuadra competitiva.

La prüma pert dl campionat

L'entusiasm da pié ía ê sambëgn gran y düc’ ê dër coriusc da odëi le comportamënt dla scuadra tl campionat nü. La prüma par­tida de campionat é gnüda sogada fóra de ciasa cuntra la scuadra da Wiesen/Pfitsch. Por un n tëmp ti á i sogadus da La Val tigní bot ai aversars, mo spo tl secund tëmp é la scuadra jüda en barca. La terza domënia gnêra da jí sö la Ila a soghé le prüm derby. Chëstes partides vëgn dagnëra sintides te na maníera parti­co­lara dai sogadus, dant­adüt te chësc caje olache al é tröc mëmbri dla scuadra da La Val che á ince soghé ti agn passá tla for­ma­ziun badiota. La scua­dra da La Val á bele atira metü man la partida cun le falz pé. Dô da püc’ menüc’ por­dôra bele 2 a 0: i prüms dui fai dla de­fen­­jiun é gnüs anuzá zënza pordonn dala scuadra plü esperta dl'Alta Badia.

 

b

 

La scuadra che á tut pert al campionat 1995/96 - impé da man ciampa: Pio Ploner, Walter Miribung, Reinhard Deiaco, Daniele Sottara, Erich Moling (vêrdalinies), Ernesto Ferdigg (alenadú), Patrick Frenes, Sepl Miribung, Norbert Valen­tin, Norbert Costa­biei, Vito Miribung. Cufá: Klaus Rubatscher, Romeo Rubatscher, Egon Moling, Edmund Nagler, Otto Ploner, Konrad Videsott, Christian Videsott, Carlo Miribung, Arthur Frenes.

 

Dô da chësc choc se fajô i sogadus da La Val êrt da rové íte te partida y les aziuns de jüch rovâ mâ danré dan la porta badiota. Por la fin dla partida é le bilanz di goi ciamò gnü plü posoch por la scuadra da La Val, che é in­ultima ciamò stada buna da realisé le gol dla bandira.

Tl secund derby soghé söla plaza dl palè "Ciamaur" a Al Plan á la scuadra vera­mën­ter albü pücia fortüna. Dô avëi atochè la tra­versa dla porta aversara sön na puniziun se ciafa la scuadra le prüm gol dl Mareo che é pié ía da na posiziun dubiosa de forajüch. Ince tl secund tëmp á la scuadra mostrè n val­gügn momënc’ de bun jüch, mo la scua­dra dl Mareo ê tres dër prigorosa sön cun­tra­pé y al ti é garatè ince tosc le secund gol. Püch plü tert él l'árbiter che mostra söl punt di ünescmetri por n fal de jüch cometü ti confrunc’ de n sogadú dl Mareo defora dal'area de strauf. Dô chësc gol dl 3 a 0 é la scuadra da La Val stada buna da segné dô na bela aziun le gol che fej ciarè fòra n pü' manco posoch le resultat.

Chësc campionat n’ê nia tan saurí

Bele dô les prümes partides ân podü odëi che le campionat de 3. categoría é n pü' plü rî co le campionat soghé ti ultims dui agn. Le comportamënt dla scuadra é zënz’ater ince stè condizionè tröp dal fat che tröc sogadus s'á fat mè; bele dô les prümes partides de campionat ânse albü sies soga­dus cun n ghips. Chësc fat de ne podëi nia cuntè sön n valgügn elemënc’ dër importanc’ por la scuadra y de messëi soghé feter vigní partida cun n'atra forma­ziun ne n'á nia consentí da formè n grup compát.

I 11 punc’ arjunc’ dô la prüma pert dl ca­mpionat podô gní conscidrá n resultat des­sigü positîf. Cun 3 partides davagnades, 2 parejades y 5 pordüdes á la scuadra arjunt le 8. post te tlassifica.

La secunda pert dl campionat

Conscidran che por les partides da d'ai­sciüda podô la scuadra indô cuntè sön düc’ sü mëmbri, se aspetâ tröc ch'ara foss jüda damí co da d'altonn. Mo zacò ch'ara é jüda, ince sce la scuadra ne n'á dessigü nia soghé mal, él tla secunda pert dl campionat mâ stè meso da trá fòra 7 punc’. Ince sce le post te tlassifica é restè le medem co dô la prü­ma pert dl campionat ne pôn nia ester cun­tënc’ cun chësc resultat.

Tröc goi che la scuadra s'á ciafè é gnüs gaujá da de gran fai dla defenjiun. N ater gran punt debl dla scuadra - tratan düt le campionat - é stada la dificulté da fá goi. Go­not á la scuadra desmostrè n bun jüch mo ala fin dla partida ne saltâl fòra nia de concret.

Te tröpes partides él sozedü che la scua­dra sogâ dër bun fina che ara ne se ciafâ nia n gol decuntra. Dedô n'êra nia plü buna da soghé inant sciöch'al alda, da reagí indortüra. Na ezeziun é stè le derby cuntra le Mareo: te chësta partida s'á la scuadra cia­fè bëgn dui goi decuntra y é impò ciamò sta­da buna da recuperè la parité, manacian ciamò da davagné inultima. Le contrar é so­ze­dü tl'ultima partida sogada a Gossensass. Chilò á la scuadra da La Val atîra fat dui goi y inultima ara ciamò pordü la partida por 4 a 2.

Tlassifica finala y resultac’ campionat 1995/96 (clicca)

 

 

1996 - 1997

Tlassifica finala y resultac’ campionat 1996/97 (clicca)

1997 - 1998

Tlassifica finala y resultac’ campionat 1997/98 (clicca)

1998 - 1999

Tlassifica finala y resultac’ campionat 1998/99 (clicca)

 

1999 - 2000

Tlassifica finala y resultac’ campionat 1999/00

2000 - 2001

Tlassifica finala y resultac’ campionat 2000/01 (clicca)

2001 - 2002

Tlassifica finala y resultac’ campionat 2001dsf/02 (clicca)

2002 - 2003

Tlassifica finala y resultac’ campionat 2002/03 (clicca)

2003 - 2004

Tlassifica finala y resultac’ campionat 2003/04 (clicca)

 

 

2004 - 2005

3.cat._200405

Tlassifica finala y resultac’ campionat 2004/05 (clicca)

 

 

2005 - 2006

 

_La_Val_3_cat_.2005_W

 

Tlassifica finala y resultac’ campionat 2005/06 (clicca)

 

2006 - 2007

33cat06.07

Tlassifica finala y resultac’ campionat 2006/07 (clicca)

 

 

 

2007 - 2008

Tlassifica finala y resultac’ campionat 2007/08 (clicca)

 

 

 

 

2008 - 2009

3za_cat._2008-2009_2


Tlassifica finala y resultac’ campionat 2008/09 (clicca)

Alenadù: Marco Scalzini

 

 

2009 - 2010

 

3_Cat_09_2009

 

Alenadù: Marco Scalzini

Tlassifica finala y resultac’ campionat 2009/10 (clicca)

 

CAMPIONAT 3a CATEGORIA  2010 - 2011

 

 

IMG_1261

 

Alenadù: Marco Scalzini

Tlassifica finala y resultac’ campionat 2010/11 (clicca)

 

CAMPIONAT 3a CATEGORIA  2011 - 2012

 

 

3.cat2011_2012

 

Alenadù: Marco Scalzini

Tlassifica finala y resultac’ campionat 2011/12 (clicca)


CAMPIONAT 3a CATEGORIA    2012 - 2013

 

3.cat_2012_2013

 

Alenadù: Steinhauser Elmar

Tlassifica finala y resultac’ campionat 2012/13 (clicca)



CAMPIONAT 3a CATEGORIA   2013 - 2014

 

foto_scuadra_1_1

 

Alenadù: Floriani Claudio

Tlassifica finala y resultac’ campionat 2013/14 (clicca)



_Q1B6810


11178638_102051950352288127_893348137_n Allievi giovanissimi_2014_15
U11 10721278_10203852720851105_1188633977_n

Alenadù 3a categoria : Floriani Claudio

 

Tlassifica finala y resultac’ campionat 2014/15 (clicca)

 

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©