US LA VAL
 
 
     
 

Imparé da sugé al palé dai profescionisc

Stampa PDF
IMG_34628

L'Uniun Sport La Val, en colaboraziun cun scora dl palé “Hans Dorfner” – cun a ce l’ex  sogadù dl FC Bayern München, à organisé dai 24 ai 28 de messé 2017 le „Summer camp“ de n’edema por düć i mituns dla valada nasciüs ti agn 2003 - 2010 che á interesc a soghé al palé.

 

 


I mituns á albü la ocajiun da podëi imparé da alenadus profescionisc, cun a ce l’ex sogadú Hans Dorfner, conesciü por avëi soghé por plö agn pro le FC Bayern München, le Nürnberg y tla nazionala tudëscia. L’ativité dla scora dl palé de Dorfner se sleria fora por düc i paîsc tudësc y ti ultims agn ince ruvada te Südtirol, daulache ince La Val é stada ala pert por organisé n’edma de insegnamënt. I alenadus á gran capazites y conoscënzes sura l’monn dl palê mo sá ince co motivé y dëidé i mituns emotivamënter.

Le pröm dé, le lünesc, él vigne sogadú che á podü pié dô na tascia cun de vigni sort de guant por i alenamënc. Dô les presentaziuns di alenadus é i sogadus gnüs partis sö te grups por scomencé cun i alenamënc. Bele atira án odü che i mituns â n gran interesc a imparé valch de nü. Tartan chisc dis intensifs i él gnü insigné les tecniches fondamentales dl jüch dl palé, sciöche an fej da archité, porté y passé indortöra le palé.

Vigni dé domisdé él gnü metü ala proa i insegnamënc dl danmisdé, cun de vigni sort de competiziuns singoles y de grup.

Le camp é gnü stlüt jö le vëndres sëra cun na picia premiaziun, olache vigni partezipant á podü pié dô n atestat de partezipaziun al camp y atri pici pest da pert dla scuadra dl FC Bayern München. N gran giulan ti va ai organisadûs y acompagnadus che ê presënc por vigni nezescité sön le ciamp dl palé, al hotel Posta a Pidrô por avëi dé albergh ai alenadûs y al Hotel Alciac de avëi fistidié por la marëna. N ringraziamënt particular ti é ince jü ai cater sponsors che á dé n contribut finanziar ala manifestaziun, cun chësc aiüt él ince sté meso de tigní valgamia basses les cuotes de iscriziun.

A düc i partezipanc ti va l’aodanza che ai pois porté inant i früc de chëst’edema te sües scuadres. Por le dagní sperunse de podëi organisé inant de té manifestaziuns che é de gran importanza por nüsc mituns che á interesc da crësc y mioré tl jüch dl palé.

 



Logo_m2 logo_raiffeisen

Logo_Ass_La_Val bassot


IMG_3458 IMG_3461 IMG_3464 IMG_3465
IMG_3482 IMG_3483 IMG_3484 IMG_3486
IMG_3487 IMG_3489 IMG_3490 IMG_3492
IMG_3494 IMG_3495 IMG_3476 IMG_3480




Chiló le link por atres foto dl camp: foto camp

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©