US LA VAL
 
 
     
 

2ª partida de campionat - Raiscia

Stampa PDF

scuadra_20161

La Val y le Raiscia se partësc i punc do nonanta menüc combatüs.






Al publich ruvé a La Val por le secundo fin dl’edema de campionat ti él gnü pité na bela partida, cun en bel jüch y combatüda cina l’ultim menüt. Do le pröm tëmp ne se müda nia le resultat, che resta sön le 1 a 1.

Ince sce le Raiscia mët man cun na marcia in plö, é Samuel W. Che á sön le pé al 10^ la prüma ocajiun, al controlëia bun le palé alt ciafé dal mezciamp, mo le abina mal cun le pé y le tira de püch dlungia porta ia. Ala cherd’ora castighëia le Reiscia sön na dijatenziun de düta la scuadra. Ala puniziun dal ciantun de area é le numer 10 Harrasser asvelt de sorví le cumpagn cun n pice palonët sura le mür fora, l’atacant Demetz ne sighita nia y vega na trata sëcia sot la stangia de porta, por Sepl nia da paré, 1 a 0 por le Raiscia. Püch do le svantaje, se fej Michele lerch da na pert y mët amez en bel preparatif por Samuel W., che ala trata vëgn indere antizipé de n pulan. I ladins ciafa coraje y costruësc de beles combinaziuns che i porta a val ocajiun, al 25^ fej Christian D. pié ia na trata sëcia dal limit che röia dlungia porta ia. Na medema trata dalunc pro ince Alex E. püch dedo, chësta indere massa alta. Al 35^ ciamó le Raiscia cun l’atacant che röia sú dan porta, la trata vëgn desfantada cun na gran parada da pert de Sepl. Al 43^, püch dan la fin dl pröm tëmp, davagna La Val na puniziun dai 20 metri, Alex E. se presentëia sigü ala trata y fej ruvé le curan dlungia le pé bass de porta ite, portan insciö le resultat indo ala parité.


Le pröm tëmp se stlüj jö sön le le 1-1.


La formaziun da Raiscia stënta dassënn a dlutì le gol ciafé ti ultims menüc, insciö atachëia i pustri cun na maiú forza. Te chisc prüms vint menüc mëss la defenjiun ladina se paré, rischian ince val trata cuntra porta. Mo al 70^ é Alex al limit che pro na gran trata d estern sön le pé lunch de porta, palé che röia indere indo dlungia ia. I pustri se fej ciamó prigorusc cun na trata de punziun che taia fora düta l’area y rebat cuntra le pé de porta, degun cumpagn röia ala saurida deviaziun. Le ritm intesif dla partida se stüda ia incër i ultims diesc menüc, daulach le palé é ma plö da udëi tl’aria y tröc sugadus che salta a öt. Impó garetel ciamó na gran ocajiun tl’ultim, tl’area aversara röia na crossada amez por Max che rebat le palé de ce cuntra porta, chiló é le refles dl portier ejemplar y le sbürla cun la piza di dëic sura porta fora. Le arbiter conzed ma plö püc menüc de jüch dan sciuré la fin. En punt mirité cun en gran impegn de scuadra cuntra na formaziun sterscia.


La Val – Raiscia : 1 - 1


Formaziun La Val: 1. Sepl Kantioler, 2. Marco Sottara, 3. Werner Sottara (dal 85^ Martin Ploner) 4. Paolo Vallazza, 5. Marco Castlunger, 6. Christian Dapoz, 7. Michele Campei (dal 75^ Max Nagler), 8. Franz Tolpeit, 9. Samuel Winkler (dal 65^ Alexander Miribung), 10. Stefan Sottara - capitan, 11. Alex Elzenbaumer


Gol por La Val: Alex Elzenbaumer al 43^


Proscima partida: La Val süga en domënia ai 17 de setëmber dales 15:30 a La Val cuntra le Rina


Atri resultac:


Altherren (La Val): La Val – Schabs  1-2

U-15 (La Val): La Val – Taufra Ahrn  3-0

U-12 (La Val): Kronteam – La Val  8-4

U-9 (La Val): San Laurënz – La Val  2-7

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©