US LA VAL
 
 
     
 

3ª partida de campionat - Rina

Stampa PDF

indeasasax

Secundo tëmp determinant por La Val che rodosa le resultat y se mët i trëi punc te gaiofa.






Dan da en bel publich apascioné rové adalerch a La Val l’ultim fin dl’edma el gnü sughé le prüm derby ladin te chësta sajun danter la formaziun de ciasa y chëra dl Rina. Trames scuadres vëgn da en bun momënt y é determinades a ti pité a sü sostenidus le miú jüch. Le publich á odü en derby combatü y ezitënt cina l’ultim menüt, cun le Rina in vantaje do en gran gol tla pröma pert y na gran reaziun dl La Val tl secundo tëmp, rosedan cun dui goi le vantaje di ghesc. En bel jüch da trames perts, manco plajëi él sté da udëi i sogadus Dennis G. y Manuel M. da Rina, che s’á infortuné bel tl pröm tëmp y a msé insciö lascé le ciamp, a chisc döt le miú por che ai pois indo tosc gní zeruch stersc te ciamp.

La partida mët man cun La Val al comane, bele al 7^ mëss le un dl Rina deloj te ciantun na trata de puniziun dal limit de Stefan S.. Ala cherd´ora é l’atacant Franz T. che se fej lerch da na pert jö y mët le palé amez, la gran ocajiun ne vëgn indere nia anuzada dai atacanc. Al 20^ vega  Werner S. dal ciantun de area na trata sëcia che sfiorëia de püch l´incrujiada de porta. Le bun momënt por La Val vëgn spo desfanté al 25^; le cuntrapé dl La Val vëgn antizipé dal sogadú dl Rina Michael Rungger che controlëia bun le palé y fej pié ia na trata a bót sigü dai 25 metri sura le portier da La Val ite, en gran gol che ti porta le vantaje ai ghesc. Püch do pro Stefan de avalié le resultat cun na trata a giré dal limit che röia de püch dlungia le pé de porta ia. Do le vantaje di ghesc vëgn i sogadus da La Val nervusc y stënta a se ciafé, le Rina anuzëia le mumënt y devënta prigorusc, suradüt sön les puniziuns y trates dal ciantun.

Do la palsa é indo La Val cun le sceter dl jüch tles mans. Derevers al 55^ davagna La Val na trata dal ciantun, chilò é Alex E. asvelt a sorví Stefan S. cun na passaja bassa, chësc ultim röia a dërt tëmp sön le palé y le fej ruvé cun na trata de prezijiun dlungia le pé de porta ite. Al ne passa tröp che Alex E. röia indo jö da pé dl ciamp y mët le palé amez por Max che arjüma de püch la trata. Le medemo se refesc indere al 65^, te n cajin amez area é chësc bun de spizuré le curan cun le tach te porta. Do le vantaje por La Val ne lascia nia dô la presciun, i padruns de ciasa costruësc ciamó trëi ocajiuns d’or: al 70^ röia n palé alt amez por Alexander  che le rebat cun forza de pé cuntra la stangia de porta, püc menüc plö tert ti sciampa Alex E. ala defenjiun y pro la trata lungia, ince chësta cuntra le pé de porta. Ultima y gran ocajiun por La Val é chëra de Max N., le cumpagn ti fej ruvé le curan sön le pé a püc metri da porta, al tira indere cun prescia sura porta fora. La tenjiun ti ultims menüc se fej sintí, le Rina pro ciamó de druché por avalié le resultat, mo le mür defensif da La Val é sterch y ni lascia nia pró a chësta sodesfaziun. Le arbiter sciüra tosc la fin. I trëi punc resta a La Val do na partida iüsta y miritada en gran pert, suradüt tla secunda pert, dala scuadra de ciasa.

La Val – Rina  2-1


Formaziun La Val: 1. Sepl Kantioler, 2. Marco Sottara, 3. Werner Sottara (dal 85^ Christian Terza), 4. Paolo Vallazza, 5. Marco Castlunger (dal 75^ Luca Pescollderung), 6. Christian Dapoz, 7. Michele Campei (dal 45^ Max Nagler), 8. Franz Tolpeit, 9. Samuel Winkler (dal 60^ Alexander Miribung), 10. Stefan Sottara – capitan, 11. Alex Elzenbaumer

Alenadù: Gerhard Hilber

Formaziun Rina: 1. Manuel Huber, 2. Michael Rungger, 3. Manuel Mellauner (dal 25^ Alfons Facchini y dal 75^ Klaus Promberger), 4. Hanspeter Rungger, 5. Thomas Huber, 6. Roman Gatterer (dal 75^ Lorenz Rungger), 7. Matthias Winkler, 8. Marco Huber (dal 70^ Daniel Ferdigg), 9. Andreas Ferdigg - capitan, 10. David Huber 11. Dennis Gasser (dal 35^ Thomas Ferdigg)

Alenadù: Georg Craffonara

 

Goi: Michael Rungger 25^, Stefan Sottara 55^ y Max Nagler 65^


Proscimes partides: La Val süga  in dumënia ai 24 de setëmber dales 15:30 a Valdaora cuntra la scuadra de ciasa deperpo che Rina süga dal medemo orar te ciasa cuntra le Raiscia.


Atri resultac:

Altherren (La Val): La Val – Welsberg : 2-0

Juniores Pool  (Mareo/La Val): Hochpustertal – Mareo : 1-1

U15 (La Val): Obopuschtra Jugend – La Val: 2-0

U12 (La Val): La Val – Val Badia : 0-3

U9 (La Val) : San Laurënz – La Val : 6-0

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©