US LA VAL
 
 
     
 

4ª partida de campionat - Valdaora

Stampa PDF

index

Fin dl’edema stort por la scuadra da La Val, che subësc bëgn trëi goi sön le gran ciamp a Valdaora.






La Val incunta do trëi agn indo la scuadra dl Valdaora, na formaziun jona che á tres desmostré só valur te ciamp cun le soghé asvelt, só punt de forza. I ladins á bel ti ultims agn stenté sön chësc ciamp y ince en chësc iade asi msé se paré.

I ghesc röia te ciamp determinà y mët ince man bun la partida. Bele al 4^ pro Alex. E de ce sön na crossada mo le palé röia dlungia ia. En menüt dedo vegn le palé rebatü dala defenjiun y resta chit amez l’area, Stefan röia por pröm lassura mo ne atoca cun süa trata nia le spidl de porta. Tl bun mëteman dl La Val toma spo le vantaje aversar: l’aversar antizipëia la trata dl portier y taia fora la defenjiun cun na passaja al’atacant Steinmair, che á ma plö bria de tra te porta. Ala cherd’ora ti sciampa le medemo Steinmair ala defenjiun ladina y bát le un Sepl cun na trata bassa dlungia le pé de porta ite. Na duscia frëida por i sogadus da La Val che se stënta tres deplö a tigní la posiziun y a tigní sö les ripartënzes dl’aversar. Al 28^ la combinaziun de Michele cun Alex porta ala crossada amez por l’atacant Alexander che pro de ce mo mëss ciaré sciöch le curan röia dlungia porta ia. Ocajiuns d’or por le Valdaora püch dan le sciür dla fin dl pröm tëmp: l’atacant se fej lerch amesa la defenjiun y pro la trata che rebat cunta la stangia de porta, püch do sön trata dal ciantun resta le palé chit a püc metri dan porta, Marco C. fej n miraco por trá demez le palé.


Le pröm tëmp se stlüj jö cun le vantaje dl Valdaora por 2 a 0


Al 50^ toma spo le gol che ti taia les giames ai ladins, na puniziun davagnada al limit vëgn trasformada cun potënza da Steinmair che sighlëia insciö süa triplëta. Atira do röia Michele ala crossada por Max che pro la trata al jore, ince chësta dlungia ia. Por le rest dl tëmp de jüch resta le palé scialdi amez le ciamp, daulache i ladins mëss trá fora les ultims forzes por antizipé l’aversar y tigní sö le palé. Purmó al’ultim menüt gareta ciamó döes trates de Stefan y Martin che mëss gní delotes dal portier te ciantun.

Dalunc nia la miú prestaziun por La Val che á paié sëch les dijatenziuns y la mancianza de conzentraziun ti mumënc de jüch plö importanc.


Valdaora – La Val  3-0


Formaziun La Val: 1. Sepl Kantioler, 2. Marco Sottara (dal 45^ Luca Pescollderung), 3. Werner Sottara, 4. Paolo Vallazza (dal 45^ Martin Ploner), 5. Marco Castlunger (dal 75^ Adrian Miribung), 6. Christian Dapoz, 7. Michele Campei (dal 70^ Christian Terza), 8. Franz Tolpeit, 9. Alexander Miribung (dal 45^ Max Nagler), 10. Stefan Sottara – capitan, 11. Alex Elzenbaumer


Proscima partida: La Val süga  in sabeda ai 30 de setëmber dales 15:30 a La Val cuntra le Sest


Atri resultac:

Altherren (La Val): Terenten – La Val : 5-1

Juniores Pool  (Mareo/La Val): Mareo – Feldthurns : 1-1

U15 (La Val): La Val – Kronteam: 0-3

U12 (La Val): Team 4 brüm – La Val: 10-0

U9 (La Val) : La Val – Valdaora : 5-1

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©