US LA VAL
 
 
     
 

5ª partida de campionat - Sest

Stampa PDF

foto_scuadra

Le Sest mëss sun jí derevers a ciasa a mans ötes y lascé i trëi punc a La Val.






La formaziun de ciasa mostra na gran reaziun ala batosta dl penultim fin dl’ edema cuntra le Valdaora, sugan miú y davagnan cuntra la scuadra jona dl Sest, che á msé se presenté  te ciamp cun na lungia lista de infortuná.
Al 10^ menüt la prüma gran ocajiun dla partida, le palé rebat sön le ce dl defensur y röia sön le pé de Samuel W. sú dan le portier, le palonët é indere massa debl y röia de püch dlungia ia. Plö tert al 20^ vëgn Alex E. sorví cun na crossada y vega la trata sön le secundo pé de porta, ince chësta sënza suzes. La scuadra aversara se fej spo prigorosa cun na crossada bassa al 35^ che passa fora düta l’ area de jüch, ocajiun che ne vëgn indere nia anuzada bun. Ai padruns de ciasa ti gareta de costruí atres ocajiuns, mo por fai individuai y pücia determinaziun ne vëgn chëstes nia portades a compimënt.


Le prüm tëmp se stlüj jö cun le pêr de 0 a 0.


La prüma mesora tla secunda pert vëgn dominada dala scuadra de ciasa. Bele atira é la crossada da na pert ite perfeta por Stefan che sfiorëia le curan cun le pé dlungia porta ia. Püch plö tert, al 60^ sön na rebatüda dl portier dl Sest rebat le palé cuntra le spiné de n defensur, le curan che cogora cuntra porta mo ne vëgn por tëmp nia antizipé dal atacant Samuel y pó insciö gnì archité tl ultim dal portier. Impormó al 75^ do n sforz de paziënza da pert di sogadus da La Val, gareta le vantaje: sön puniziun é le palé alt perfet por le bun movimënt de Max, che pro le stach y rebat le palé de ce te porta. Sëgn rischiëia le Sest val inplö y raforzëia l’ atach, insciö gareta ince la mascima puniziun dër tl dübe al 80^.

Sön na crossada toma l’ atacant a tera, por l arbiter n fal tlêr dl defensur ladin. Ala trata á le un da La Val Sepl indere le miú refles y se destira sön le pé de porta a se apié le curan. I ladins pó indo tra le flé y resta inant conzentrá cina le sciür dla fin por se mët i trëi punc te gofa. Na devënta in pert asuiada por La Val che á msé aspeté dî por sbloché le reultat.


La Val – Sest : 1 - 0


Formaziun La Val: 1. Sepl Kantioler, 2. Marco Sottara (dal 45^ Luca Pescollderung), 3. Werner Sottara (dal 75^ Martin Ploner),  4. Paolo Vallazza, 5. Christian Dapoz, 6. Franz Tolpeit, 7. Max Nagler (dal 75^ Max Nagler), 8. Michele Campei (dal 78^ Christian Terza), 9. Samuel Winkler (dal 85^ Egon Frenes), 10. Stefan Sottara - capitan, 11. Alex Elzenbaumer

Gol por La Val: Max Nagler al 75^


Proscima partida: La Val süga en sabeda ai 7 de otober dales 15:30 a Vintl cuntra la scuadra de ciasa


Atri resultac:

Altherren (La Val): La Val – Rodenech  0-1

Juniores (Mareo/La Val): Mareo – Plose  1-3

U-15 (La Val): Mareo – La Val  5-0

U-12 (La Val): Pro Team – La Val  6-0

U-9 (La Val): Rasen/Antholz – La Val  7-1

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©