US LA VAL
 
 
     
 

6ª partida de campionat - Vintl

Stampa PDF

foto_scuadra

Le Vintl anuzëia al miú les dijatenziuns di ladins por rosedé le resultat y mët insciö al sigü le vantaje.






Do avëi sintí la presciun da pert di padruns de ciasa tla prüma pert, sblochëia impó i ladins le resultat, che vëgn indere püch do rosedé dai aversars a gauja de deplö dijatenziuns. Ince sce la orenté é da udëi te ciamp, ne ti gareta ai ladins nianca en punt sú, la pordüda portada a ciasa é ria da dlotí.

La partida mët man cun le Vintl al comane, i atacanc cun le sterch numer 9 Mirabella se lascia bel udëi al 11^ cun na trata de puniziun che rebat tla stangia de porta, püch do n’atra trata aversara rebat cuntra le pé de porta. I ladins, al mumënt nia daldüt presënc cun cun le ce te ciamp, fej ruvé Samuel W. dan le portier che pro la trata bassa che vëgn indere deviada tl’ultim cun le pé dal verdaporta. Al 30^ mëss le defensur zentral Paolo V. se destrà por tigní sö le palé pié ia cuntra porta do na trata debla dl’atacant dl Vintl. Por La Val ciamó n’ocajiun d’or dan le pröm tëmp, Marco S. fej ruvé le palé alt a Alex E., püch dait dal ciantun dl’area veghel la trata luncia sön porta, le curan röia indere de püch dlungia ia.


Le prüm tëmp se stlüj jö cun le pêr de 0 a 0.


Tla secunda pert é la pert dërta che da n gran sostëgn ofensif, do valgünes trates di ladins dal limit gareta ince la vantaje. Al 61^ ti sciampa la crossada fora dles mans al portier dl Vintl, Samuel W. é tl dërt post por apogé te porta. Nianca le tëmp da festejé che Mirabella ti sciampa ala defenjiun y sighlëia en gran gol da na ria angolaziun. Le medemo castighëia püc menüc dô sön na trata dai önescmetri, conzedüda por n fal evidënt amez area. I ghesc stënta a realisé de avëi pordü le vantaje te cört tëmp y mëss insciö purvé de avalié le resultat. Al 70^ é Alex E. che se smarchëia al limit y fej pié ia na trata sëcia cuntra porta, le un dl Vintl pó ma ti ciaré pró al palé che fej balé la rëi. Le pêr é arjunt mo le Vintl se fej plö prigorus. Al 75^ röia na trata dal ciantun te area ladina, te n gran cajin é l’atacant Putzer che spizurëia le palé cun le pé sot la stangia de porta. Cun prescia pro ciamó i sogadus da La Val de remunté le vantaje mo mëss la zede al sciür dla fin dl’arbiter. Na pordüda antia por La Val, che á stenté a gestì le vantaje lascian insciö trëi punc importanc ia Vintl.


Vintl – La Val  3-2


Formaziun La Val: 1. Sepl Kantioler, 2. Luca Pescollderung, 3. Marco Sottara (dal 66^ Martin Ploner), 4. Paolo Vallazza, 5. Dapoz Christian, 6. Franz Tolpeit, 7. Michele Campei (dal 75^ Adrian Miribung), 8. Max Nagler (dal 60^ Christian Terza), 9. Samuel Winkler (dal 70^ Alexander Miribung), 10. Stefan Sottara – capitan, 11. Alex Elzenbaumer


Proscima partida: La Val süga  in sabeda ai 14 de otober dales 15:30 a La Val cuntra le Rasen


Atri resultac:

Altherren (La Val): Dietenheim – La Val : 2-2

Juniores Pool  (Mareo/La Val): Natz – Mareo : 5-0

U15 (La Val): La Val – Wiesen: 0-3

U12 (La Val): La Val – Mareo: 1-4

U9 (La Val) : La Val – Falzes: 3-0

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©