US LA VAL
 
 
     
 

9ª partida de campionat - Mareo

Stampa PDF

IMG_3f111

Cuntra en aversar sterch y determiné anuzëia La Val bun les uniches ocajiuns por segné.






Dan en publich dles gran ocajiuns rové adalerch a La Val s’à mosoré l’ultim fin dl’edema la formaziun ladina de ciasa y chëra dl Mareo. I ghesc se bat cun determinaziun y mët a düra proa i padruns de ciasa, che é bugn de castighé bele ti prüms menüc sön les püces ocajiuns mo mëss spo se paré cuntra la presciun aversara fora por düta la partida.

Bele al 5^ toma la prüma ocajiun y le pröm gol por La Val. Alex E. fej bun le movimënt por sorví amez l’ atacant Alexander M. che rebat de ce le palé te porta. Le Mareo reagesc tosc y pressëia cuntra la defenjiun da La Val che mëss se paré y sciuré demez plö iadi le palé. Al 20^ manacia le Mareo de avalié le resultat cun en gran stach de Lukas H., che rebat sön puniziun cun le ce la cogora te rëi. Le sogadú é indere tla posiziun de forajüch y mëss insciö s’udëi le gol anulé dal’arbiter. Al 25^ se presentëia le sogadú amez Alan dan area da La Val y fej pié ia na trata sëcia che röia indere sura porta fora. Le medemo mess püch do lascé le ciamp por en tai sura l’urëdla, subì sön en contrast de ce. Püch dedo slalomënia le n. 9 dl Mareo Kanetscheider la defenjiun de ciasa y pro na trata sëcia da na pert ite, Sepl à chilò en bun refles y se tëgn le palé tles mans. Fora dl bun mumënt por Mareo davagna La Val al 35^ na trata dal ciantun; Samuel W. é al dërt mumënt tl dërt post por abiné le palé al jôre y le tra te porta por le dopl vantaje. Le pröm tëmp se stlüj jö senza alzé fora atres ocajiuns.


Le prüm tëmp se stlüj jö sön le resultat de 2 a 0 por La Val.


Tla secunda pert röia le Mareo plö sterch te ciamp y comana le jüch por gran pert di carantecinch menüc. Al 55^ è Lukas H. che controlëia bun le palé te area mo vëgn contrasté dal defensury toma insciö a tera, l’arbiter ne sighita nia y conzed la mascima puniziun che vëgn ince trasformada dal sogadú frësch rové te ciamp Paolo Peixoto. Do le gol ciafa i aversars ciamó plö coraje, deperpo che La Val ne pó nia se pormët de perd la conzentraziun. Al 70^ é le un da La Val Sepl che se lascia massa tëmp por tra fora le palé, l’arbiter sciüra y conzed na trata de puniziun daíte dala linea dl’area de jüch. La trata bassa de secunda rebat indere cuntra le mür formé da plö sogadus. La proscima trata de puniziun di ghesc é prigorosa, dai vintecinch metri pëia ia na trata de prezijiun de Peixoto che vëgn delota cun les pizes di dëic da Sepl y sfiorëia l’incrujiada de porta. Ti ultims menüc de jüch se fej sintí la nervosité te ciamp. Le Mareo rischiëia ciamó val in plö portan val sogadú in plö a sostëgn dl’atach y davagnan insciö cotan de trates da chit tl mezciamp da La Val. Le mür defensif é bun organisé y ne conzed nia plö al Mareo de avalié le resultat. Le pröm derby de rit se röia insciö cun na devënta asuiada por la scuadra de ciasa.


La Val – Mareo  2-1


Formaziun La Val: 1. Sepl Kantioler, 2. Luca Pescollderung, 3. Werner Sottara (dal 20^ Marco Sottara), 4. Paolo Vallazza, 5. Christian Dapoz, 6. Franz Tolpeit, 7. Michele Campei (dal 88^ Egon Frenes), 8. Alexander Miribung (dal 77^ Felix Nagler), 9. Samuel Winkler (dal 70^ Adrian Miribung), 10. Stefan Sottara – capitan, 11. Alex Elzenbaumer

Alenadù: Gerhard Hilber


Formaziun Rina: 1. Luca Massa, 2. Daniel Agreiter, 3. Ivan Mutschlechner, 4. Alan Erlacher (dal 30^ Paolo Peixoto), 5. Gabriel Frenner, 6. Walter Pisching, 7. Robert Kanetscheider, 8. Robert Mutschlechner – capitan (dal 75^ Davide Moling), 9. Lukas Hochwieser, 10. Thomas Castlunger 11. Radames Dal Molin

Alenadù: Marco Mutschlechner


Goi: Alexander Miribung 5^, Samuel Winkler 38^ y Paolo Peixoto 55^

Proscimes partides: La Val süga in dumënia ai 5 de novëmber dales 14:30 a Gais cuntra la scuadra de ciasa deperpo che le Mareo süga te ciasa le derby cuntra Rina dal medemo orar.


Atri resultac:

Juniores Pool  (Mareo/La Val): Feldthurns – Mareo : 5-1

U15 (La Val): Funes/Teis – La Val: 4-2

U12 (La Val): Rasen/Antholz – La Val : 10-0

U9 (La Val) : Obopuschtra Puma – La Val : 2-1


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©