US LA VAL
 
 
     
 

11ª partida de campionat - Dietenheim

Stampa PDF

foto_scuadra

La Val bataliëia cina l’ultim menüt por fa süa la devënta y stlüj jö al miú la sajun da d’altonn.





La scuadra ladina ne ti lascia nia tó para i ultims trëi punc d’altonn al Dietenheim, che s’á indere batü cun determinaziun cina l’ultim menüt. Sughé él gnü sön le ciamp a La Val, delibré dala cutra de nëi tomada ia por l’edema. Na devënta asuiada por La Val, che va in vantaje tl prüm tëmp mo mëss batalié dassënn por ne se lascé nia tó i trëi punc.

Tla pröma mesora é La Val che lascia udëi en bel jüch y tëgn le palé scialdi tl mezciamp aversar. Inciö gareta bele do 10^ na gran ocajiun, Michele crossëia amez por le compagn Alex che vega le stach de ce cuntra porta, le palé rebat indere cuntra le pé y vëgn insciö delot te ciantun. Ala cherd’ora ti sciampa l’atacant aversar ala defenjiun y se fej lerch cuntra porta ladina por porvé la trata bassa che röia de püch dlungia ia. Le medemo atacant pro ciamó al 20^ de rebat de ce la crossada cuntra porta, mo Sepl à n bun refles y archita sö tl dërt mumënt la cogura. Atira do l’ocajiun vëgn le palé arlungé sön Alex E. che se presentëia sú dan porta y spizurëia le curan sot les giames dl portier te rëi por le vantaje. Ince ti proscims menüc lascia udëi La Val en bel jüch mo stënta a concretisé l’aziun, cun la mancianza de prezijiun tl’ultim passaje. Dan le prüm tëmp é l’aversar che ciafa coraje y röia ince a val trata decuntra, por fortüna nia da mët in prigo le resultat.


Le prüm tëmp se stlüj jö sön le resultat de 1 a 0 por La Val.


Tl secundo tëmp se lascia i padruns de ciasa do fora y le Dietenheim anuzëia le momënt por avanzé te ciamp. Le mezciamp aversar ti da n gran sostëgn al’atach, che controlëia bun le palé y le süga sön les perts. Ince Sepl mëss recuperé en grüm de palés che röia te süa area de jüch. Gran ocajiuns ne él indere nia da alzé fora tratan la prüma mesora. Impormò al 80^ manacia Adrian de arlungé le vantaje, sön na passaja amez area röia chesc sú dan le spidl de porta a tra cun forza le palé che ti röia indere tles mans al’un dl Dietenheim. Ti ultims menüc de jüch müda la formaziun aversara y n sogadú vëgn injunté pro l’atach. Düta la scuadra ladina tira fora les ultims forzes por defënn le resultat, che ti gareta ince. L’arbiter fej ruvé i nonanta menüc y la sajun da d’altonn cun le sciür. Na devënta importanta che ti pormët a La Val de mostré sö dejedot punc y la cuarta posiziun dla tlassifica de chësta prüma pert de campionat. I sogadus pó jí insciö tla palsa miritada da d’invern. La scuadra tol ciamó l’ocajiun por ringrazié sü sostenidús che à acompagné y incité le grup fora por düt l’altonn, giulan!


La Val – Dietenheim  1-0


Formaziun La Val: 1. Sepl Kantioler, 2. Luca Pescollderung, 3. Werner Sottara (30^ Marco Sottara), 4. Christian Dapoz, 5. Paolo Vallazza, 6. Franz Tolpeit, 7. Michele Campei (60^ Alexander Miribung), 8. Max Nagler (80^ Felix Nagler), 9. Samuel Winkler (70^ Adrian Miribung), 10. Stefan Sottara – capitan, 11. Alex Elzenbaumer

Gol por La Val: Alex Elzenbaumer al 22^



Atri resultac:

Juniores Pool  (Mareo/La Val): Mareo – Natz : 1-3

U15 (La Val): Val Badia – La Val: 3-2

 


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©