La sajun 2017/2018 dla lüsa é tosc daverta. I atleć se arjigna bel indô ca i liöstri por les competiziuns de chësc invern cun en rich program de gares.
Sciöche la sajun dl palé d’altonn se stlüj ia, è bel i atlec dla lüsa che arjigna mët tosc man cun i alenamënc por la sajun dles gares. Ince in chësc ann é la scuadra dla lüsa da La Val arjignada a se mosoré adüm ai atri atleć pro les competiziuns desvalies che gnarà tignides fora por i mëisc de jenà, forà y merz. La pröma competiziun che dauriarà la sajun dla lüsa é fisada ai 30 de dezëmber, al se trata dla pröma gara de Copa de Südtirol che gnarà tignida a Funes. L‘evënt plö ambí te chësta sajun è i campionac dl monn de lüsa alta che è ruvà a süa terza ediziun y gnarà tignis a Hopfgarten tl‘Austria. Dlungia le program tradizional gnaral indo organisé cater gares joniles Raiffeisen por i atlec plö jogn. Chilò pon ciafé le program intier dles gares:
La plata internet sura le "Südtirolcup" é gnüda ampliada y agiornada cun vigni sort de novitês por ci che reverda la sajun nöia y tëgn n bel archiv de imajes di agn passà. Resultać, tlassifiches y atres informaziuns plö detaliades pudaran jì a consultè sot la nöia plata http://www.sportrodel.it/
L' Uniun dl Sport da La Val ti aoda düt le bun a nüsc atleć por la nöia sajun 2017/2018 che ëi portes a ćiasa de beles devëntes sciöche l‘ ann passè.