US LA VAL
 
 
     
 

Campionac mondiai a Latsch

Stampa PDF

3.ISSU_WM_Latsch_462

L’ultim fin dl’edema él gnü tigní Ia terza ediziun di campionac mondiai de lüsa alta sön la pista „Gumpfrei“ a Latsch.Tla scuadra taliana é ince i ladins che garejëia y porta a ciasa en gran resultat.

 

 

 

 

 

En chësc ann à la sajun di liöstri n apuntamënt culminant sön le calënder.  I atlec locai y internazionai á podü indo se conforté a partezipé ai campionac dl monn de lüsa alta, tignis do dui agn indo te Südtirol, plö avisa a Latsch. En gran lâlt ti va ai organisadus, che à preparè na pista de buniscimes condiziuns por la gara. Nia ma la buna organisaziun, mo ince le program partì sö sön i 3 dis ne podô nia ester damì.

Bëgn 81 atlec é ruvà adalerch da bëgn sis naziuns por se porté a ciasa le pest tan ambì. La scuadra taliana, cun ala pert ince 4 atlec da La Val, à podü mostré sö de gragn resultac.

I dui susc alenamënc dl vëindres dan la gara á messü basté por studié jö la ria y asvelta pista y se preparé al miú por les gares ofiziales.

Bele la sabeda éle gnü surande i pröms titui mondiai. I atlec à garejé te döes manchen: tla categoria “Junioren” é la jona atleta da La Val Manuela Rubatscher che fej gran parüda, cun le tëmp de 2’21.39 era la plö asvelta y pó cun gran sodesfaziun pié do le ôr.

En atra atleta da La Val à ince podü garejé por le titul mondial, Brunner Shamira arjunj le cuinto post te söa categoria.

Tla categoria ëi – Master é ince en ladin che pó tra n salt sön le scalin de podest plö alt a pié dô la medaia d’ôr, al se trata de Diego Tschaffert, le campiun talian y sëgn ince campiun mondial de süa categoria. Cun le tëmp de 2’15.09 ti la stica le ladin a só concoënt austriach numer un, Ehammer Andreas, che stlüj jö cun le tëmp de 2’16.17. Te chësta categoria é sënzater ince da alzé fora le bun 9. post de Miribung Carlo, che stlüj jö cun le tëmp de 2’22.35.

La dumënia é l’evënt jü inant cun la terza y ultima manche, cun la categoria di ei y dles eres generala, chisc i plazamenc di atlec ladins: Manuela 7. post, Shamira 5. post y Diego 4. post. Le titul de campiun dl monn se aiudichëia le jonn Maximilian Preindl da Valdaora, deperpo che pro les ëres é la austriaca Frischmann Melanie la plö sterscia.

Ultima sodesfaziun dl fin dl’edma: le grup talian cun la soma di mius tëmps, formé dal trio Tschaffert, Preindl y Lambacher se posizionëia al pröm post.



I plazamënć do les prömes döes manchen (sabeda - ëi): resultac
I plazamënć do les prömes döes manchen (sabeda - ëres): resultac

I plazamënć do la terza manche (dumënia - tlassifica finala): resultac

 

 

3.ISSU_WM_Latsch_039 3.ISSU_WM_Latsch_333 3.ISSU_WM_Latsch_651 3.ISSU_WM_Latsch_493
3.ISSU_WM_Latsch_461 3.ISSU_WM_Latsch_786 3.ISSU_WM_Latsch_797

3.ISSU_WM_Latsch_449


 

 

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©