US LA VAL
 
 
     
 

Champions Race - FINALA

Stampa PDF

CR_Grden_117

Dan mët ia i liöstri se mosöra ciamó i atlec dla lüsa te döes gares de slalom gigant paralel. L’atleta da La Val Shamira Brunner röia sön le scalin plö alt.

 

 



Dan mët ia i liöstri se mosöra ciamó i atlec dla lüsa te döes gares de slalom gigant paralel. L’atleta da La Val Shamira Brunner röia sön le scalin plö alt.

La sajun dles gares tradizionales de lüsa alta é ruvada a piz, mo denant co mët ia i liöstri él ciamo gnü injunté al program döes competiziuns particolares. Sciöche les gares de paralel di schi bel conesciüdes, él gnü organisé döes gares de slalom gigant paralel sön i liöstri, a chëres che ince valgügn atlec ladins á tut pert.

Bele la sabeda ai 10 de merz él gnü tigní la pröma dles döes gares a Bramberg sön la pista “Smaragdbahn”fora tl’Austria, olache i miûs atlec de vigni naziun á tut pert. Por la scuadra da La Val s’à presenté Shamira Brunner al start y tles gares “cé a cé” à l’atleta arpizé la tlassifica cina ruvé al buniscimo 3. post

La jöbia, ai 15 de merz s’á sposta le szenar dla lüsa por l’ultima gara de slalom gigant paralel da sëra a Urtijëi. Ince sce le tëmp ne á nia daidé para, era impó jüda da tigní la finala. L’atleta Shamira é stata la plö asvelta y se aiüdichëia le pröm post do avëi batü l’atleta taliana Kaslatter tla finala. Ala pert ince atres döes atletes ladines: Rubatscher Manuela da La Val toma fora tl pröm rode cuntra la taliana Senn y Nagler Luisa da Lungiarü mëss i la zede al’atleta austriaca Geiger ti cuarti de finala.

Cun chësta ultima competiziun se stlüj jö definitivamënter la sajun dla lüsa y i atlec pó jí tla meritada palsa. Ann por ann crësc tres deplö l’interesc por chësc sport, che ti porta a pici y gragn de gran sodesfaziuns. Vignun che ess l’interesc de porvé a se senté sön i liöstri por tó pert a chëstes competiziun fora por düt l’invern é bëgnodü!

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©