US LA VAL
 
 
     
 

2ª partida de campionat rit.- Raiscia

Stampa PDF

foto_scuadra

Debla prestaziun dla formaziun ladina cuntra n aversar sterch che mirita deplëgn i trëi punc.





La partida, spostada dala sabeda ala dumënia, mët bel atira man mal por i ghesc da La Val. Al 2^ é le sterch sogadú amez Harasser che cun süa passaja filtranta fej pié ia l’atacant sú cuntra, chësc tira bun sön le pé lunch de porta por le 1 a 0. Nianca le tëmp da se descedé che le Raiscia davagna na puniziun sön le piz de area, le palé crossé amez vëgn naota devié dal portier Sepl y te n secundo mumënt apogé dal atacant Regensberger te porta. La reaziun di padruns de ciasa ti prüms menüc é stada fatala por i ladins, che se descëda pormó do le svantaje y mëss insciö rosedé n resultat pesoch. Ai ciafa plö coraje y al 23^ röia la trata dal ciantun a dërt mumënt por Max Nagler, che sfiorëia le palé cun l’intern por le fa ruvé dlungia le portier ite. Sön le bun momënt por La Val che ciafa indo grinta vëgn le defensur Marco Sottara desgort dal ciamp por soma de amoniziuns, evënt che gauja en spostamënt tla formaziun ladina. Le Raiscia pó insciö lascé udëi le miú jüch y röia tosc al terzo gol, al 42^ ti sciampa l’atacant amez area y fej pié ia na bela trata cuntra Sepl che stënta a se tigní le palé y röia insciö te rëi.


Le prüm tëmp se stlüj jö sön le resultat de 3 a 1 por le Raiscia .


Ala formaziun ladina ti mancel en pü de düt te chësta partida y tla secunda pert se aspeta l’alenadù y le publich val inplü. Ince sce ma plö en diesc sogadús te ciamp, demostra la scuadra plö determinaziun y pressëia dassënn sön le gran ciamp dl Raiscia. Al 55^ se delibrëia Franz al limit y fej pié ia na trata a bót sigü cuntra porta, le palé mëss gní devié dal portier che rebat cuntra la stangia de porta y röia te n secundo mumënt sön la linea blancia, daulache le numer un se tëgn spo stoch le curan. Plö inant se arjüma le Raiscia döes ocajiuns d’or, trami dui iadi röia le palé amez por i atacant bí susc a püc metri da Sepl, les trates al jore röia indere y por fortüna, de püch dlungia ia. A stlü jö spo definitivamënter la partida é le gol de Hitthaler al 83^, sön en palé arlungé rebat chësc de ce te porta. I ladins mëss ciamó tra fora les ultimes forzes por tigní sö la presciun aversara y tosc fej ruvé l’arbiter la partida. La personalité da La Val ne é nia stada a l’altëza te chësta partida, le Raiscia mirita insciö de plëgn i trëi punc.


Raiscia – La Val : 4 - 1


Formaziun La Val: 1. Sepl Kantioler, 2. Marco Sottara , 3. Egon Frenes (dal 45^ Martin Ploner), 4. Paolo Vallazza, 5. Christian Dapoz, 6. Michele Campei (dal 80^ Felix Nagler), 7. Max Nagler (dal 45^ Christian Terza), 8. Franz Tolpeit (dal 80^ Alex Ploner), 9. Alexander Miribung (dal 45^ Samuel Winkler), 10. Stefan Sottara - capitan, 11. Alex Elzenbaumer

Gol por La Val: Max Nagler al 23^

Proscima partida: La Val süga en sabeda ai 31 de merz  dales 16:00 le derby ladin a Rina cuntra la scuadra de ciasa


Atri resultac:

Juniores Pool (Mareo/La Val/Rina): Mareo – Feldthurns  0-2

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©