US LA VAL
 
 
     
 

3ª partida - 1. DERBY LADIN - Rina

Stampa PDF

foto_scuadra

Le prüm derby ladin i va al Rina, che dominëia y stlüj jö cun en resultat tler. Bëgn cinch iadi röia le palé te porta dl La Val.





Le derby tan aspeté che ess msé gní sughé sön le ciamp dl Rina, à msé gní spusté la sabeda santa a Percha a gauja dla impraticabilité dl ciamp. I sogadus da La Val é jüs te ciamp cun les miús intenziuns, mo se vëiga bel cun trëi goi de svantaje do vint menüc. Bel al cuarto menüt vëgn la trata dal ciantun rebatüda de ce da Facchini te porta dl La Val. Püc menüc plö tert, al 13^ trasformeia David Huber n önescmetri conzedü dal’arbiter por n contrast te area ladina. La Val se descëda y á sües döes ocajiuns: Alex E. preparëia le palé por la trata de Stefan, che gira de püch sura porta fora. Püch do sön trata dal ciantun röia Stefan a contlujiun, le un da Rina é sterch y rebat fora le palé cun le pé, Christian D. röia te n secundo mumënt a trá mo ince chilò röia le palé dlungia ia. Le terzo gol dl Rina toma spo al 18^ cun en palé arlungé da na pert jö. Daniel Frenes röia al dert mumënt sú dan porta y à ma plö bria de apogé la palé sorví amez. Na duscia frëida por la formaziun da La Val che mëss ciaré de remunté en svantaje pesoch. Le prüm vare ess inc garaté, cun en önescmetri conzedü dal arbiter sön en contrast te area dl Rina, Alex E. tira sigü te porta por le 3 a 1. Püch do röia le palé amez area por Franz che cordinëia a stënt la trata te porta, le palé vëgn indere tl’ultim salvé sön la riga dal defensur.


Le prüm tëmp se stlüj jö sön le resultat de 3 a 1 por le Rina .


Le secundo tëmp mët man miú por La Val, che mët por valgügn menüc la defenjiun dl Rina sot a presciun. Le bun mumënt vëgn indere indo ruviné da n fal individual, daulach Costalunga crosseia amez por Ferdigg che rebat le palé cun dezijiun de ce te porta.  Sciöche i cater goi ne bastass nia por ti la fa ría La Val de remunté, vegn ciamó l’atacant Alexander M. desgort dal ciamp por en fal de reaziun sön Huber. In diesc bataliëia chi da La Val por chirí le pêr uramai dalunc, val trata gareta ince, mo indere nia prigorosa. La nervosité te ciamp é inevitabla y le arbiter fej ince süa pert, sides da üna che dal’atra pert ne vëgn nia sciuré le iüst. A ti taié definitivamënter les giames al La Val é spo Huber al 75^, te n cajin amez area vegn le palé spizuré da chësc ultim y röia te porta por le 5 a 1.

Püc menüc ciamó ti resta a La Val por se defënn y por porvé de evité na maiú desfata. Cun le sciür dl’arbiter se röia la partida. Le Rina anuzëia al miú les dijatenziuns dla formaziun di ghesc dl La Val y porta a ciasa en resultat tler. Por La Val na partida da desmentié, oj plata y ciaré inant ales proscimes!! Sön cun le ce!!


Rina – La Val : 5 - 1


Formaziun La Val: 1. Sepl Kantioler, 2. Martin Ploner , 3. Werner Sottara, 4. Paolo Vallazza, 5. Christian Dapoz, 6. Michele Campei (dal 65^ Christian Terza), 7. Max Nagler (dal 80^ Nagler Felix), 8. Franz Tolpeit, 9. Samuel Winkler (dal 55^ Alexander Miribung), 10. Stefan Sottara - capitan, 11. Alex Elzenbaumer


Gol por La Val: Alex Elzenbaumer al 34^


Proscima partida: La Val süga en sabeda ai 07 de aurì  dales 16:00 te ciasa cuntra le Valdaora

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©