US LA VAL
 
 
     
 

4ª partida de campionat rit.- Valdaora

Stampa PDF

foto_scuadra

La Val à la partida tles mans mo subësc le svantaje tl secundo tëmp. La forza de grup fej indere ribalté le resultat y la devënta é miritada.





Do la batosta dl fin dl’edma da denant tl derby cuntra le Rina, à la formaziun da La Val lascé udëi te ciasa na bela prestaziun cuntra l’aversar da Valdaora. Ince sce i padruns de ciasa à la partida dles mans, mëss chisc subì en svantaje plö co ante a mez le secundo tëmp,  la reaziun é indere ejemplara y ara ti gareta de oje le resultat davagnan la partida.

Bele dal mëteman à La Val le sceter dl jüch tles mans y al 5^ pro Stefan na trata bassa dal limit che vëgn tignida sö dal’un dl Valdaora. Püc menüc plö tert é Werner sön puniziun asvelt da sorví Alex E. sú dan porta, la trata sëcia da na pert fej rebat le palé indere cuntra le pé de porta. Al 15^ manacia i ladins da se fa la gambarela, te n gran caji amez area é le defensur ladin che abina mal le curan y le fej ruvé cuntra porta, le portier Sepl deviëia cun süa reativité te ciantun. La Val à le jüch tles mans y al 25^ é la puniziun de Franz da na pert prigorosa, le palé passa fora le cinch dl’area mo degügn ne é asvelc a apogé le curan te porta.


Le prüm tëmp se stlüj jö sön le pêr.


Le ritm de jüch dl pröm tëmp lascia en pü dô y i ghesc aspeta le dërt mumënt por fa pié ia l’aziun. Insciö ti gareta ince le gol fora de n sarëgn. Sön na dijatenziun di ladins a mez ciamp arlungëia l’aversar sön l’atacant Hintner che indirizëia le palé sön le pé lunch de porta por le 1 a 0. Nia da crëi por la formaziun de ciasa, che à albü la partida tles mans cina chësc mumënt. Püch do manacia l’aversar le dopl vantaje, le palé vëgn devié dal’atacant cuntra porta, le defensur zentral Christian é bun de ruvé a dërt mumënt a salvé a tra demez le curan sön la riga de porta.  Ince sce le svantajé á fat pié ia i scrai dl publich, é i ladins bugn de evité la nervosité y chësc i dëida dessigü a ribalté le resultat. Al 66^ pëia ia la crossada de Alex E. amez area, Michele C. röia dan porta y apogëia le palé te rëi. En bun diesc menüc dedô se fej le medemo lerch por la trata y fej pié ia cun prezijiun le palé che röia tl’incrujiada de porta por le vantaje. Gran sodesfaziun por düta la scuadra che ciafa forza por i ultims menüc de jüch. Te n gran marcé y nervosité fej l’arbiter ruvé la partida. Nia le singul mo la forza de grup á dandadöt davagné la partida, la devënta é in chësc iade dessigü miritada.


La Val - Valdaora : 2 - 1


Formaziun La Val: 1. Sepl Kantioler, 2. Marco Sottara, 3. Egon Frenes, 4. Werner Sottara, 5. Christian Dapoz, 6. Michele Campei, 7. Max Nagler (dal 85^ Felix Nagler), 8. Franz Tolpeit, 9. Samuel Winkler (dal 75^ Christian Terza), 10. Stefan Sottara - capitan, 11. Alex Elzenbaumer


Goi por La Val: Michele al 66^ y al 81^


Proscima partida: La Val süga en sabeda ai 14 de aurì  dales 16:00 a Sest cuntra la scuadra de ciasa


Atri resultac:

Juniores Pool (Mareo/La Val/Rina): Mareo – Hochpustertal  3-1

U-12 (La Val): Val Badia – La Val 5-2

U-15 (La Val): Kronteam – La Val  4-1

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©