US LA VAL
 
 
     
 

7ª partida de campionat rit.- Rasun

Stampa PDF

foto_scuadra

Le Rasun mëss se asuié la devënta cuntra i ladins.





Bele al 7^ porta le sterch Pichler i padruns de ciasa in vantaje. Sön na crossada de puniziun rebat chësc de ce cun n gran stach le palé te porta. Le Rasun fej inant druch y manacia plö iadi a radoplé le vantaje. Protagonist dla prüma pert é chilò le un da La Val Sepl, che defënn cun savëi la porta ladina, tignin sö ocajiuns d’or por segné da pert di aversars. I ladins vëiga püch la porta aversara y vëgn sotmetüs al jüch aversar. Fora de n sarëgn indere, püch dan la fin dl pröm tëmp, é la passaja dl defensur dl Rasun massa lungia por le portier: Samuel Winkler é chiló a dërt post por apogé le curan te porta.


Le pröm temp se stüj jö sön le 1-1.


Tl secundo tëmp comana La Val le jüch, la reaziun  di ladins é sterscia y tosc se presentëia l’ocajiun por Alex E. sön puniziun, la trata é indere de n pulan  massa alta. Le bun momënt por i ghesc che sotmët i padruns de ciasa vëgn desfanté al 69^ dal medemo Pichler. Chësc se presentëia ala puniziun sön le ciantun de area y tira le palé a giré  sön le pé lunch de porta. La Val pro inant y püch dan la fin gareta ciamó döes ocajiuns da gol: al 80^ crossëia Werner amez por Stefan che sfiorëia cun le ce le palé, de püch ne röia nia le jonn Alex P. a sburlé lepalé te porta. Püch do röia la trata dal ciantun cuntra porta, sön le palé rebatü pro Martin P. ciamó n iade a tra cuntra porta, la reaziun dl portier é indere asvelta por desfanté la trata. Cun na trata secia dai vint metri che rebat cuntra la stangia de porta manacia ciamó Pichler dl Rasun de mët al sigü le resultat. Püch do fej ruvé le mandl fosch la partida: por i ladins na pordüda antia che foss ince jüda da evité cun en pü de determinaziun inplö. La buna prestaziun tl secundo tëmp á jové a püch.


Rasun – La Val 2-1


Formaziun La Val: 1. Sepl Kantioler, 2. Marco Sottara, 3. Werner Sottara, 4. Paolo Vallazza (dal 85^ Martin Ploner), 5. Christian Dapoz, 6. Chritian Terza, 7. Michele Campei (dal 77^ Egon Frenes), 8. Max Nagler (dal 56^ Philipp Moling), 9. Samuel Winkler, 10. Stefan Sottara – capitan, 11. Alex Elzenbaumer (dal 73^ Alex Ploner)

Gol por La Val: Samuel Winkler al 43^

Proscima partida: In dumenia dales 16:00 te ciasa le secundo derby ladin por La Val cuntra la Val Badia


Atri resultac:

Altherren (La Val): Welsberg – La Val  6-0

Juniores Pool (Mareo/Rina/La Val): Mareo-Plose  1-0

U-15 (La Val): Untereisacktal – La Val 6-2

U-12 (La Val): Mareo-La Val 6-0

U-9 (La Val): San Iöre-La Val 3-2


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©