US LA VAL
 
 
     
 

9ª partida de campionat rit.- Mareo

Stampa PDF

index

En fal fatal dla formaziun da La Val ti conzed la devënta al Mareo pro le derby de Rit.





Ince sce tramres formaziuns é matematicamënter bel salves, s’á les scuadres bele dî inconforté al derby de Rit, na partida intres sintida. En derby nia cotan grô, daulache La Val ó mostré na reaziun a les ultimes pordödes, mo se mët deperpo le bastun da gion amesa les giames pordon ince chësta.

Le Mareo mët man miú la partida y röia bel tosc al gol dl vantaje. Plö avisa al 12^, daulache l’atach ó passé le palé zeruch al portier, la passaja debla vëgn antizipada da Lukas Hochwieser che ti sciampa a Sepl y à ma plö bria de apogé le palé te rei. En fal fatal che ti custarà cêr ai ghesc. Püc menüc dedo röia indo Lukas y Robert dan porta, mo la trata vëgn desfantada dal’un da La Val. al 21^ se porta Alex E. da na pert jö y mët le palé amez por Franz, che pro la trata al jore de püch dlungia porta ia. Dan le pröm tëmp pro ciamó l’atacant dl Mareo Samuel la trata cuntra porta mo ince chësta ti fej le pulan al pé de porta.

Tla secunda pert é La Val al comane, cun de vigni sort de combinaziuns pro chisc de ruvé cuntra porta, daulache la defenjiun marora fej bun só laur rischian püch. Tosc anuzëia le Mareo la formaziun sbilanciada da La Val por costruí al miú val aziun da gol: al 71^ de porta Lukas da na pert y mët le palé al limit por Walter, süa trata é indere massa alta. Le medemo crossëia püch dedo amez po Ivan che pro la rebatüda de ce, Sepl é chiló reatif a devié le palé. Ti ultims menüc pro ciamó La Val cun vigni meso de chirí en gol, mo mëss tosc la zede. Le derby de Rît ti va in chësc iade al Mareo, che se porta ala terza posiziun de tlassifica, deperpo che La Val, do la cuarta pordüda de fila, resta al setim post de tlassifica a döes partides dala fin dl campionat.


Mareo – La Val 1-0


Formaziun La Val: 1. Sepl Kantioler, 2. Marco Sottara, 3. Werner Sottara, 4. Paolo Vallazza, 5. Marco Castlunger (dal 75^ Egon Frenes), 6. Christian Dapoz, 7. Michele Campei (dal 64^ Christian Terza), 8. Max Nagler (dal 74^ Felix Nagler), 9. Franz Tolpeit (dal 61^ Alexander Miribung), 10. Stefan Sottara – capitan, 11. Alex Elzenbaumer (dal 55^ Samuel Winkler)


Proscima partida: In dumenia dales 16:00 te ciasa cuntra la scuadra da Gais


Atri resultac:

Altherren (La Val): Rodenech – La Val  3-1

Juniores Pool (Mareo/Rina/La Val): Hochpustertal - Mareo  2-1

U-15 (La Val): La Val – Val Badia 0-4

U-12 (La Val): Team 4 Rot - La Val 6 - 0

U-9 (La Val): San Laurenz - La Val 7-1

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©