US LA VAL
 
 
     
 

1ª partida de campionat - Sest

Stampa PDF

foto_scuadra

Prüm fin dl’edema de campionat stort por la scuadra da La Val, che subësc dui goi pesoc dan le publich de ciasa.






Ince la scuadra da La Val, sot la direziun dl’alenadù da l’ann denant Gerhard Hilber, á scomencé só secundo ann tl rode C de 2 categoria. Na bela desfida por düt le grup, che s’á batü cun orenté l’ann denant y purvarà de dé le miú ince te chësc nü campionat. La scuadra á bel sughé sües prümes döes partides ofiziales de Copa Provinzia cuntra l’aversar da Oberland, daulache chisc ultimi é passá le rode (3-3 a La Val, 2-2 fora de ciasa).

Do les bunes prestaziuns de Copa Provinzia ne ti é le prüm vare te campionat indere nia garaté. A La Val é ruvé adalerch l’aversar da Sest cotan plö determiné a se tó i trëi punc.

Sot la plöia mët man la partida cun le Sest che chir atira la pröma ocajiun. Dai vint metri pro l’atacant na trata sëcia cuntra porta, chiló é le un da La Val Sepl reatif a desfanté le curan te ciantun. Plö presënta te ciamp é la formaziun aversara, che röia denant sön i palés y i süga fora bun. Insciö ti gareta ince le vantaje al 16^. Sön trata dal ciantun vëgn le sterch Lanzinger lascé sú y pó rebat le curan cun le ce te porta. I ladins stënta a se sbloché y a tigní la posiziun, deblëza che vëgn anuzada bun dal Sest: cun na ripartënza röia le palé al’atacant Happacher, chësc se fej lerch cuntra porta y tira le palé sot les giames dl portier ladin fora te porta por le 2 a 0, chësc suzed al 35^. Tosc pó i ladins jí tla palsa sënza avëi mostré na tlera ocajiun da segné.


Le prüm tëmp se stlüj jö sön le 2 a 0 por le Sest.


Cun coraje röia i padruns te ciamp cun n ater spirit y mostra bel atira de urëi rimedié ala debla prestaziun dl pröm tëmp. Ince sce sëgn é le jüch scialdi tl mezciamp aversar, ti mancia ai ladins la dërta prezijiun dan porta. Cun le tëmp che passa se fej ince sintí le nervosism, chiló é l’arbiter le protagonist, che se fej sciampé la direziun fora dles mans. Da alzé fora le duel tl’aria anter n atacant y le defensur Vallazza, ulache chësc ultim se ciafa en comedun y se rump l’os dl nês y sciöche al ne bastass nia, se vëighel alzé na cherta ghela, senza motivaziun da pert dl diretur. Le gran marcé te ciamp y i scrai dl publich rovina le tlima y l’arbiter fej ince ruvé i nonanta menüc de jüch. Nia le dërt dé por la scuadra da La Val, che pó sambëgn ince capité. I ladins pó bel se refà chësta dumenia cuntra le Tasten.


La Val – Sest  0-2


Formaziun La Val: 1. Sepl Kantioler, 2. Marco Sottara, 3. Marco Castlunger, 4. Paolo Vallazza (dal 65^ Christian Terza), 5. Christian Dapoz, 6. Max Nagler, 7. Franz Tolpeit, 8. Daniel Frenes (dal 75^ Andreas Verginer), 9.Micky Frenes (dal 70^ Michele Campei), 10. Stefan Sottara – capitan, 11. Alex Elzenbaumer

Proscima partida: La Val süga  in dumënia ai 09 de setëmber dales 15:30 a Tasten cuntra la scuadra de ciasa

Atri resultac:

Altherren (La Val): Welsberg – La Val : 3-0

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©