US LA VAL
 
 
     
 

2ª partida de campionat - Tasten

Stampa PDF

foto_scuadra

La Val se bat bun mo stënta a segné y recuperé le gol scinché.






Tla secunda partida de campionat incunta i ladins la scuadra da Tasten. A chisc ti bastel en gol sú por la devënta, deperpo che La Val süga tröp dan porta aversara mo é püch dezisifs pro les contlujuns.

Bele ti prüms menüc de jüch manacia la formaziun ladina de jí in vantaje, Max se fej lerch da na pert y fej pié ia la trata cuntra porta che vëgn deviada dal verdaporta, Franz tla dërta posiziun pro ciamó de ciamp sön le pé lunch mo le un dl Tasten se destira ciamó n iade a paré.

I ladins anuzëia bun les ripartënzes por arjigné ca de beles crossades amez, chëstes indere intres massa lunges. Fora de n sarëgn, plö avisa al 19^ pëia ia na trata arlungiada dala defenjiun pustra, le defensur da La Val pro de antizipé le curan che ti sciampa indere sot le pé fora y ti röia bel avisa al’atacant sön le pé che à ma plö bria de tra cuntra porta a fa balé la rëi por le 1 a 0. Le Tasten ciafa insciö coraje y se fej prigorusc sön les situaziuns standard, chilò mëss le portier Sepl se destrà plö iadi a desfanté le palé. La Val pro inant a chirì le pêr dan le pröm tëmp sënza ti ester.


Le pröm temp se stlüj jö sön le resultat de 1 a 0 por le Tasten.


Atira dal mëteman dla secunda pert pëia ia Max y preparëia amez por l’atacant Micky che pro la trata, indere massa debla y röia insciö de püch dlungia porta ia. Püch do, al 55^ abina la trata de Max la stangia de porta. Al 65^ se fej le Tasten prigorusc sön puniziun dal limit. La trata de prezijiun vëgn delota cun na gran parada de Sepl te ciantun. Le tëmp por recuperé le svantaje se fej tres plö cürt mo al gareta ciamó de gran ocajiuns. Al 75^ se fej lerch Michele da na pert jö y pro la trata sön le pé lunch de porta, le curan indere ti fej le pulan ala stangia. Püc menüc ala fin é Alex E. che à sön le pé l’ocajiun de avalié le resultat: sú dan le portier pro chësc le palonët che ne ti gareta indere nia y röia dlungia ia. Cun chësta ultima ocajiun fej l’arbiter ruvé la partida. Sce an ciara l’andament dl jüch, foss sté le pêr plö co iüst.


Tasten – La Val  1-0


Formaziun La Val: 1. Sepl Kantioler, 2. Marco Sottara, 3. Marco Castlunger, 4. Christian Dapoz, 5. Christian Terza (dal 45^ Michele Campei), 6. Max Nagler (dal 87^ Felix Nagler), 7. Franz Tolpeit, 8. Daniel Frenes (dal 70^ Egon Frenes), 9.Micky Frenes, 10. Stefan Sottara – capitan, 11. Alex Elzenbaumer


Proscima partida: La Val süga  duman sabeda dales 16:30 te ciasa cuntra le San Laurënz


Atri resultac:

U13 (La Val): La Val – Obopuschtra Jugend : 1-8

U10 (La Val): La Val – San Laurenz: 3-0

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©