US LA VAL
 
 
     
 

3ª partida de campionat - San Laurënz

Stampa PDF

foto_scuadra

I ladins pita na buna prestaziun, mo stënta dassen a fa balé la rëi y mëss se acontenté cun en punt sú.





Al publich a de spetadus a La Val ti él dessigü gnü pité na bela partida, plëna de ocajiuns y emozionanta cina l’ultim menüt. I sogadus te ciamp chira indere intres ciamó le prüm gol de campionat.

Bele ti prüms menüc é la formaziun de ciasa plö agresiva y antizipëia cotan de palés. Ala cherd’ora l’ocajiun de sbloché le resultat: Micky se fej lerch al limit dl’area y fej pié ia na trata a bót sigü che rebat cuntra la stangia de porta. Le San Laurënz se fej prigorus cun le sterch atacant Wisthaler che è bun de curì bun le palé y le partësc fora ai cumpagns, les trates dalunc indere ne é nia prigoroses por le portier Sepl. Amez le prüm tëmp la gran ocajiun arjumada: a mezciamp davagna Stefan le palé y se mët sön trú cuntra porta, ruvé sú dan le portier veghel la trata de ciamp, indere massa zentrala. Le palé ti sciampa al portier mo vëgn ciamó salvé dala defenjiun al ultim mumënt. Por le rest dla prüma pert é ciamó da alzé fora val picia ocajiun, indere nia anuzada sciöch toca dal La Val.


Le pröm temp se stlüj jö sön le resultat de 0 a 0.


Do la palsa va inant le druch di padruns de ciasa che ó a düc i cosc le vantaje. Insciö pëia ia Daniel F. da na pert jö y preparëia amez por Alex E. che sighita y ne pro nia la trata purdon le palé.  Püch do al 60^ röia le palé arlungé dala defenjiun amez area, ulache Alex E. controlëia de piet y pro la trata, delota indere dal defensur aversar. Dal’atra pert é le bun laur dla defenjiun ladina che ti da sigurté ala scuadra, che pó insciö se conzentré sön l’atach. Gran ocajiun ince al 75^, sön la crossada amez röia Daniel a rebat de ce cuntra porta, le curan ne ó nianca chësc iade savëi de fa balé la rëi y röia sura fora. Al mancia ma plö val menüt de jüch y La Val davagna na puniziun dal limit, la trata sëcia de Micky vëgn deviada dal mür y röia a Daniel che pro ciamó n iade de splundré le palé cuntra porta, ince chësc tigní sö dales giames di aversars.

En chësc iade al mancé en pü de fortüna, che ess dëidé a porté la prüma devënta y i prüms trëi punc de campionat al La Val.


La Val – San Laurënz  0-0


Formaziun La Val: 1. Sepl Kantioler, 2. Marco Sottara (dal 45^ Martin Ploner), 3. Michele Campei, 4. Marco Castlunger, 5. Christian Dapoz, 6. Franz Tolpeit, 7. Alex Elzenbaumer, 8. Max Nagler (dal 75^ Andreas Verginer), 9.Micky Frenes, 10. Stefan Sottara – capitan, 11. Daniel Frenes


Proscima partida: La Val süga en domenia dales 15:30 a San Iaco cuntra le Steinhaus


Atri resultac:

Altherren (La Val): La Val – Schabs : 2-0

Juniores Pool (La Val): Pichl Gsies – La Val: 0-2

U-13 (La Val): Kronteam – La Val 10-0

U-10 (La Val): Terenten – La Val 5-3

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©