US LA VAL
 
 
     
 

4ª partida de campionat - Steinhaus

Stampa PDF

_MG_925277

I sogadus da La Val mostra na gran reaziun y é bugn de avalié na partida prësc pordüda.





I sogadus dl La Val incunta sön só trú i aversars da Steinhaus, scuadra tumada jö dala prüma categoria y insciö nöia por i ladins. Por le publich scatené i él dessigü gnü pité na partida emozionanta, cun La Val che se porta in vantaje dla pröma pert mo se fej ciamó sciampé ite bëgn trëi goi. Ti ultims menüc indere se oj la partida y l’atach ladin avaliëia ciamó le resultat.

L’arbiter Zardini fej scomencé la partida sot na bela culissa de sostenidus. La pröma ocajiun i toca al La Val, al 10^ pro Daniel F. na trata dai vintecinch metri che röia de püch dlungia porta ia. Le Steinhaus indere se fej prigorusc cun le capitan amez, che se möi bun y pro ince val trata dalunc cuntra porta, Sepl é indere intres a dërt post a defënn süa porta. Le vantaje por i ladins toma spo al 28^, le defensur Marco Sottara se fej lerch da na pert y pro la crossada amez, le palé alt indirizé cuntra porta röia sura le portier ite por le 1 a 0. I padruns de ciasa dessenà fej gran druch cuntra la porta ladina, al 35^ se fej lerch le capitan al limit y pro la trata a giré sön le pé lunch, cun en stach ejemplar röia le un da La Val Sepl a deloj le palé te ciantun. Dan la fin di caratecinch menüc pro ciamó Stefan la trata dal limit lungia a giré, che röia indere dlungia ia.


Le pröm temp se stlüj jö sön le resultat de 1 a 0 por La Val.


Tl secundo tëmp röia la formaziun dl Steinhaus cotan plö determinada te ciamp, deperpo che i ladins resta cun le ce te cabina. Al 52^ conzed l’arbiter na puniziun dal limit dër tl dübe, che vëgn trasformada cun na trata de prezijiun dal capitan Weger. Püch plö tert pro le medemo ciamó n iade de puniziun, le palé rebat in chësc iade cuntra la stangia de porta. Nianca le tëmp da se posizioné che l’atach davagna le palé amez y röia de cuntrapé sú dan porta, la trata bassa de Niederwanger porta le vantaje aversar al 60^.

Na duscia frëida por i ladins, che mëss ciamó subí le terzo gol al 68^, te n cajin amez area röia indo le capitan a spizuré la cogura te porta. Deplö dijatenziuns ti costa ai ladins che se descëda purmó sëgn. Indere la reaziun é ejemplara, bele al 71^ vëgn la trata de Micky rebatüda al limit y le palé röia al sú Franz, che á ma plö bria da ti dé la dërta direziun al curan por rové te porta. Al 79^ é la combinaziun perfeta anter Franz y Alex che fej ruvé l’atacant al limit, en bun control y na trata a bót sigü dlungia le pé de porta ite ti pormët al La Val de avalié le resultat. Ti ultims vint menüc é ciamó la trata dal limit de Marco S. prigorosa, chiló mëss le portier se destrá a desfanté le palé. Cun en gran nervosism te ciamp fej ruvé l’arbiter la partida. Sce an ciara l’andamënt dla partida, é le pêr plö co iüst. Cun en pü de fortüna y la dërta conzentraziun foss i trëi punc garatà.


Steinhaus – La Val  3-3


Formaziun La Val: 1. Sepl Kantioler, 2. Martin Ploner (dal 70^ Egon Frenes), 3. Marco Sottara, 4. Marco Castlunger, 5. Christian Dapoz, 6. Franz Tolpeit, 7. Max Nagler, 8. Alex Elzenbaumer), 9.Micky Frenes, 10. Stefan Sottara – capitan, 11. Daniel Frenes (dal 67^ Christian Terza)


Goi por La Val: Marco Sottara (28^), Franz Tolpeit (71^) y Alex Elzenbaumer (79^)


Proscima partida: La Val süga en duman sabeda dales 16:30 te ciasa cuntra la scuadra da Lijun


Atri resultac:

Altherren (La Val): Rodenech – La Val : 4-1

Juniores Pool (La Val): La Val – Ob. Jugend: 0-1

Aliefs (Mareo): Mareo - Val Badia 0-2

U-13 (La Val): La Val – Natz 0-14

U-10 (La Val): La Val – Alta Badia 0-5

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©