US LA VAL
 
 
     
 

5ª partida de campionat - Lijun

Stampa PDF

_MG_925277

Le Lijun röia a La Val a se tó na bela revanche do la partida de dezijiun pordüda dan da n’ann.





L’aversar dl’ultim fin dl’edema é le Lijun, scuadra che La Val á incunté l’ultim iade pro les partides de dezijiun por fa le salt de secunda categoria. In chël iade à la Val albü la miú. Tratan l’ultim campionat á le Lijun concuisté le pröm post dl campionat de terza categoria, che ti à pormetü le salt de y de ruvé avisa tl’idemo rode dl La Val. I aversars se presentëia ala cuinta partida de campionat cun la soma di punc plëgns y al comane de tlassifica. In chësc iade indere s’à le Lijun tut la revanche y nia ma cun furtüna, la deventa é stada plö co meritada.  Cun gran druch pëia ia le Lijun y bel al 6^ röia la puniziun amez por l’atacant Federspieler che rebat cun en gran stach le palé te porta por le vantaje. I padruns de ciasa se stënta cotan a se sbloché y i aversars anuzëia chësta malsigurté por radoplé le vantaje. Sön na proscima puniziun röia indo l’atacant sú dan porta mo ne röia por püch nia a tra ite le palé. Al 25^ pëia ia na bela aziun ladina, ulache Franz pro la trata sëcia dal limit che ti gareta ince, le un dl Lijun mëss se destrá a desfanté la trata. Al 35^ pëia ia Franz da na pert y preparëia amez por i cumpagns, che indere ne röia nia söl post a dërt momënt.


Le pröm temp se stlüj jö sön le resultat de 1 a 0 por le Lijun.


I ladins pëia ia miú tla secunda pert y manacia ince de avalié le resultat, sön na bela combinaziun dal ciantun röia Micky ala trata che vëgn indere deviada. Püch plö tert röia la crossada amez por Stefan che röia lunch y pro de ce, le palé indere vëgn indirizé mal y ne röia nia te porta. Le dopl vantaje aversar röia spo al 60^: cun na gran combinaziun röia l’atacant sú dan porta y pro da ti sciampé a Sepl, le portier chilò pro dal tigní sö mo abina les giames dl’aversar. Le önescmetri ne é nia da evité, le atacant Senoner le trasformëia por le 2 a 0. Dô le dopl vantaje se lascia i ladins do fora y le Lijun pó  anuzé la deblëza por castighé danü. Al 70^ anuzëia le capitan Kaneider na ripartënza por jí sú cuntra le portier, la trata bassa sot les giames fora porta le 3 a 0. Al 85^ öria la crossada dl Lijun amez por l’atacant sú dan porta, la trata al jore röia indere sura for a. A stlü jö la partida é spo ciamó la puniziun dal limit dl’indemo Kaneider, la trata bassa de potënza dlungia le pé de porta ite é fatala por Sepl. Nia da nun fa por le La Val che mëss ciaré de desmentié atira la debla prestaziun y ciaré inant ales proscimes partides.


La Val – Lijun  0-4


Formaziun La Val: 1. Sepl Kantioler, 2. Martin Ploner, 3. Marco Sottara, 4. Marco Castlunger, 5. Christian Dapoz, 6. Franz Tolpeit (al 60^ Felix Nagler), 7. Max Nagler (al 60^ Andreas Verginer), 8. Alex Elzenbaumer, 9.Micky Frenes, 10. Stefan Sottara – capitan, 11. Daniel Frenes (al 65^ Christian Terza)

Proscima partida: La Val süga en duman sabeda dales 15:30 ite en Weitental cuntra le Vandoies


Atri resultac:

Juniores Pool (La Val): Schluderns – La Val: 0-2

Allievi (Mareo/La Val): San Laurenz – Mareo: 1-4

U-13 (La Val): La Val – Mareo 0-1

U-10 (La Val): Burnech brüm – La Val 3-1

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©