US LA VAL
 
 
     
 

6ª partida de campionat - Vandoies

Stampa PDF

_MG_925277

La Val é a ciacia dla prüma devënta mo mëss in chësc iade se acontenté cun en punt sú.





La formaziun ladina mostra na bela reaziun do la desfata cuntra le Lijun dl ultim fin dl’edema. Impó ne à le bel jüch nia basté por la devënta, do che i ghesc da La Val abine por prüms le vantaje, avaliëia ciamó le Vandoies le resultat.

I padruns de ciasa pëia ia cun maiú convinziun y röia ince pro les prömes ocajiuns, indere nia plö d’intan prigoroses. Tosc é spo ince i ladins che se lascia udëi, al 20^ pëia ia Daniel F. da na pert y preparëia amez por Alex E., süa trata al jôre vëgn indere delota te ciantun dal portier. I ladins conzed püch al Vandoies y pressëia a dërt mumënt i portadus dl palé fajon insciö speré tl gol dl vantaje. Le bun momënt vëgn indere archité dal mandl fosch cun le sciür dla fin dl pröm tëmp.


Le pröm temp se stlüj jö sön le resultat de 0 a 0.


Tla secunda pert röia le Vandoies te ciamp cun na marcia in plö, le sterch sogadú Mirabella motivëia i cumpagns a chirí le vantaje. Te diesc menüc pon alzé fora deplö ocajiuns cuntra la porta ladina, la defenjiun adüm al portier Sepl mëss se purvé dassënn a tigní sö le druch y evité le gol decuntra. Al 57^ indere se ôj la partida, sön la trata de puniziun de Alex E. dai vint metri se stënta le portier a tigní sö le palé, che röia dlungia le pé de porta ite por le vantaje ladin. Por en mumënt se pro indo i ladins y süga valgamia bun le palé, cina che le Vandoies rischiëia val inplö y süga cun na formaziun plö ofensiva. Le druch aversar porta spo ince le pêr al 70^: la trata de puniziun dai trënta metri de Mirabella vëgn naota sfiorada cun le ce dal’atacant y röia spo te porta por le 1 a 1. Püch do se azentrëia Daniel cuntra porta y vëgn contrasté dal defensur amez area, le fal evidënt vëgn indere nia conscidré dal mandl fosch che fej jì inant le jüch sënza motivaziun. Le Vandoies pro ciamó al 85^ cun na crossada amez, le sogadú sú dan porta fej ruvé le palé cun na trata sëcia sura porta fora. L’ ultima ocajiun por porté a ciasa la devënta é Andreas V. che ciafa sön le pé: Daniel antizipëia le defensur davagnan le palé y le preparëia por l’atacant che röia indere massa tert a tra cuntra porta. L’arbiter sciüra püch do la fin dla partida. En bun punt fora de ciasa por La Val che adora indere inant punc por se trà sö de tlassifica.


Vandoies – La Val  1-1


Formaziun La Val: 1. Sepl Kantioler, 2. Christian Terza, 3. Egon Frenes, 4. Marco Castlunger, 5. Paolo Vallazza, 6. Christian Dapoz, 7. Max Nagler (al 85^ Felix Nagler), 8. Alex Elzenbaumer, 9.Micky Frenes (al 65^ Andreas Verginer), 10. Stefan Sottara – capitan, 11. Daniel Frenes


Proscima partida: La Val süga en duman sabeda dales 16:30 a La Val cuntra le Gais


Atri resultac:

Altherren (La Val): Falzes –La Val 8-0

Juniores Pool (La Val): La Val – Chienes 0-6

Allievi (Mareo/La Val): Mareo – Schabs 0-5

U-13 (La Val): Taufra Ahrn – La Val 7-0

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©