US LA VAL
 
 
     
 

7ª partida de campionat - Gais

Stampa PDF

_MG_925277

I ladins se mostra stersc cuntra le Gais mo mëss fa i cunc cun na debla direziun arbitrala y vëgn ciamó castigà al’ultim menüt de jüch.





I padruns de ciasa ti pita al publich de ciasa üna dles mius prestaziuns cina sëgn y dominëia le secundo tëmp cun ma diesc sogadus te ciamp. Impó ne à chësc basté por la devënta. La Val mëss fa i cunc cun bëgn dodesc aversars te ciamp, le mandl fosch ruvina cun süa debla direziun la partida y ne ti conzed insciö nia i trëi punc ai ladins.

Ince sce le Gais pëia ia cun plö sbunf, é tosc i ladins che se fej avarëi y röia al vantaje al 22^ cun en gran gol de Alex E. Al anuzëia la crossada lungia de Egon por jí a staché de ce dal limit, le pale indirizé a dovëi, röia avisa tl’incrujiada de porta. Val menüc dedô resta le curan sön le cinch de area dl Gais, Stefan pro da abiné le palé, se oj y tira cuntra la porta, indere sura fora. Püch plö tert avaliëia i ghesc le resultat, la trata sterscia de puniziun dai vintecinch metri dl capitan Kröll röia püch sot la stangia de porta ite. L’andamënt dl prom tëmp, cun La Val che fej n bel jüch, fej speré tl vantaje dla secunda pert.


Le pröm temp se stlüj jö sön le resultat de 1 a 1.


Cun convinziun y determinaziun röia i ladins de ciamp, mo mëss bel tosc renunzié al compagn Franz, che vëgn desgort dal ciamp por dopla amoniziun por le contrast sön le numer un aversar. Tosc é spo ince l’arbiter che fej süa pert, bëgn dui iadi pëia ia na gran aziun cuntra la porta dl Gais y trami iadi vëgn l’atacant contrasté te area aversara. I fai evidënc ne vëgn nia conscidrà dal’arbiter che ne conzed nia I tlêrs önescmetri. La direziun arbitrala nia iüsta ti cunfrunc di ladins va inant cun de vigni sort de “scincundes” ai aversars. Ince sce ma plö in diesc te ciamp, é la forza de grup che se fej udëi y le Gais pó ma plö aretré a se defënn. Al 80^ vëgn le palé spizuré a mezciamp y röia a Michele C. che va sú cuntra porta y pro la trata bassa, le portier é chilò reatif a paré.  Sciöche al é pro le sughé al palé, sce ne t’ess nia bun de fa gol, gnaraste tosc castighé. Insciö era ince stada y al 89^ menüt de jüch, sön na trata dal ciantun é la dijatenziun ladina che pormët al’atacant de ruvé a rebat le curan cun le ce te porta. Le vantaje aversar fej ruvé la partida cun i scrai dl publich y la delujiun di sogadus, che ne ess nia mirité chësta fin.


La Val – Gais  1-2


Formaziun La Val: 1. Sepl Kantioler, 2. Marco Sottara, 3. Egon Frenes, 4. Paolo Vallazza, 5. Marco Castlunger, 6. Christian Dapoz, 7. Max Nagler (al 70^ Michele Campei), 8. Franz Tolpeit, 9.Alex Elzenbaumer, 10. Stefan Sottara – capitan, 11. Daniel Frenes (al 75^ Christian Terza)


Gol La Val: Alex Elzenbamer al 22^


Proscima partida: La Val süga en dumënia dales 15:30 a La Ila cuntra la Val Badia


Atri resultac:

Altherren (La Val): La Val – Dietenheim 0-3

Juniores Pool (La Val): Tscherms M.– La Val: 1-1

Aliefs (Mareo/La Val): Rasen – Mareo: 5-2

U-13 (La Val): La Val – Rasen/Antholz 2-7

U-10 (La Val): La Val – Mareo 6-1

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©